Köpşılıkke Navai laqap atymen tanymal reseilık reper Navai Bakirov Qazaqstannan şyǧarylǧannan keiın Mäskeude alǧaş ret konsert berdı. Ol janjalǧa qatysty sūraqtarǧa jauap beruden bas tartty, dep habarlaidy «Adyrna» tılşısı SHOT Telegram-arnasyna sılteme jasap.
8 qaraşada Mäskeudegı klubtardyŋ bırınıŋ janynda tüsırılgen video jariialandy. Däl osy jerde reper Navai konsert ötkızgen.
Konsert aiaqtalǧan soŋ reper tüngı saǧat 01:00 şamasynda klubtan VIP-kıreberıs arqyly şyqqan. Ony janküierlerı men jurnalister kütıp tūrǧan. Navai bırneşe janküierımen suretke tüskenımen, jurnalisterdıŋ Qazaqstanda ūstaluyna qatysty sūraqtaryna jauap bermegen.
Küzetşıler muzykantqa jaqyndauǧa mümkındık bermegen. Osydan keiın reper sporttyq kölıgıne otyryp, oqiǧa ornynan ketıp qalǧan.
Eske salaiyq, 14 qazanda Navai-dıŋ Astanada josparlanǧan konsertıne janküierlerı qatysa almaityny belgılı bolǧan edı. Ūiymdastyruşylar konserttıŋ ötpeitının habarlaǧan. Sol künı Jambyl oblysynyŋ polisiia departamentı Navai-dıŋ esırtkı kontrabandasyna küdıkpen ūstalǧanyn mälımdegen. Atalǧan faktı boiynşa qylmystyq ıs qozǧalyp, reper uaqytşa ūstau izoliatoryna qamalǧan.
Al reperdıŋ direktory Rauf Gusanov onyŋ ūstaluyna qatysty pıkır bıldıruden bas tartsa, anasy būl jaǧdaidy «ädeiı ūiymdastyrylǧan äreket» dep ataǧan.
Osy oqiǧadan keiın Qyrǧyzstanda da tekseru bastaldy. Şekara qyzmetı muzykanttyŋ esırtkımen şekaradan qalai ötkenın anyqtauǧa kırıstı. Kınälı tūlǧalarǧa jaza qoldanyluy mümkın.
15 qazanda sot reperdı qamauǧa alu turaly sanksiia bergen. Onyŋ advokaty Rena Kerimova qorǧau tarapy oǧan aiyppūl taǧaiyndatuǧa tyrysatynyn mälımdegen.
20 qazanda Navai-ge qatysty qylmystyq ıstıŋ aqtamaityn negızder boiynşa toqtatylǧany belgılı boldy. Sondai-aq reper Qazaqstan aumaǧynan şyǧaryldy. Reseilık advokat Dmitrii Minovtyŋ aituynşa, Qazaqstanda bosatylǧannan keiın Navai-ge Reseide de qylmystyq ıs qozǧaluy mümkın.
