Taşkentte erlerden saqalyn qyrudy taǧy talap etıp jatyr. Saqaldy jıgıtterdı ışkı ıster bölımşesıne şaqyryp, 15 täulıkke qamaimyz dep eskertu jasaǧan, dep habarlaidy "Adyrna" portaly Gazeta.uz saityna sıltep.
Ötken aptada äleumettık jelılerde Taşkent audandarynda saqaldy er adamdardy ūstap, ışkı ıster bölımşesıne aparyp, saqalyn alǧan soŋ bosatyp jatqany jaiynda aqparat taraǧan. Abdurahmon Mufid (Abu Vines) degen laqap atymen tanymal Abdurahmon Abdurahmonov esımdı vainer Instagram (1,3 million jazyluşysy bar) paraqşasyna saqalsyz suretın jariialaǧan. "Barlyq närsede danalyq bar. Körıp tūrǧanyŋyzdai, saqal alyndy. Ne üşın qyrǧanymdy sūramaŋyz. Adamdardyŋ özderı tüsınedı dep oilaimyn. Şyǧarmaşylyqty jalǧastyra beremın", - dep jazǧan.Facebook qoldanuşysy Muhammadiusuf ibn Kobil 6 mamyr künı jelıge saqalyn alǧan suretın jariialady. Ol ışkı ıster bölımşesıne barǧannan keiın osylai boldy degen. Muhammadiusuf bölımşede özımen bırge kemınde on adamnyŋ bolǧanyn aitady. Olardyŋ bärınen saqalyn aludy talap etken.
"Eger saqalyŋdy qazır qyrmasaŋ, 15 täulıkke qamaimyz" degen polisiia ökılderı.Özbekstan ışkı ıster ministrlıgınıŋ baspasöz hatşysy Şohruh Giiasov būl oqiǧaǧa qatysty bylaişa pıkırın bıldırdı:
"Būl oqiǧalardy qūqyq qorǧau organdary jürgızıp jatqan qylmysqa qarsy küres şarasymen salystyruǧa kelmeidı. Azamattar eger konstitusiialyq qūqyǧymyz būzyldy dese, şaǧymdansa bolady", - dedı ol.Būl Özbekstanda er azamattardyŋ saqalyn mäjbürlep alǧyzyp jatqan bırınşı jaǧdai emes. 2019 jyly da osyndai reid jürgen.
"Adyrna" ūlttyq portaly
Ūqsas jaŋalyqtar
