Tashkentte erlerden saqalyn qyrýdy taǵy talap etip jatyr. Saqaldy jigitterdi ishki ister bólimshesine shaqyryp, 15 táýlikke qamaımyz dep eskertý jasaǵan, dep habarlaıdy "Adyrna" portaly Gazeta.ýz saıtyna siltep.
Ótken aptada áleýmettik jelilerde Tashkent aýdandarynda saqaldy er adamdardy ustap, ishki ister bólimshesine aparyp, saqalyn alǵan soń bosatyp jatqany jaıynda aqparat taraǵan.
Abdýrahmon Mýfıd (Abu Vines) degen laqap atymen tanymal Abdýrahmon Abdýrahmonov esimdi vaıner Instagram (1,3 mıllıon jazylýshysy bar) paraqshasyna saqalsyz sýretin jarııalaǵan.
"Barlyq nársede danalyq bar. Kórip turǵanyńyzdaı, saqal alyndy. Ne úshin qyrǵanymdy suramańyz. Adamdardyń ózderi túsinedi dep oılaımyn. Shyǵarmashylyqty jalǵastyra beremin", - dep jazǵan.
Facebook qoldanýshysy Mýhammadıýsýf ıbn Kobıl 6 mamyr kúni jelige saqalyn alǵan sýretin jarııalady. Ol ishki ister bólimshesine barǵannan keıin osylaı boldy degen.
Mýhammadıýsýf bólimshede ózimen birge keminde on adamnyń bolǵanyn aıtady. Olardyń bárinen saqalyn alýdy talap etken.
"Eger saqalyńdy qazir qyrmasań, 15 táýlikke qamaımyz" degen polıııa ókilderi.
Ózbekstan ishki ister mınıstrliginiń baspasóz hatshysy Shohrýh Gııasov bul oqıǵaǵa qatysty bylaısha pikirin bildirdi:
"Bul oqıǵalardy quqyq qorǵaý organdary júrgizip jatqan qylmysqa qarsy kúres sharasymen salystyrýǵa kelmeıdi. Azamattar eger konstıtýııalyq quqyǵymyz buzyldy dese, shaǵymdansa bolady", - dedi ol.
Bul Ózbekstanda er azamattardyń saqalyn májbúrlep alǵyzyp jatqan birinshi jaǵdaı emes. 2019 jyly da osyndaı reıd júrgen.
"Adyrna" ulttyq portaly
