Qazaqstannyŋ Bala qūqyqtary jönındegı uäkılı Dinara Zakieva 6-synyp oquşysynyŋ qaiǧyly qazasynan keiın synǧa qalǧan, dep habarlaidy "Adyrna" ūlttyq portaly.
Jelıde Almaty oblysynda 6-synyp oquşysy öz-özıne qol jūmsady degen mälımet tarady.
«NeMolchi» qorynyŋ jetekşısı Dina Smailovanyŋ aituynşa, būl otbasynyŋ jaǧdaiy turaly būǧan deiın memlekettık organdar men polisiiaǧa habarlanǧan. Qor basşysy būl jaǧdaiǧa qatysty qajettı şaralar qabyldanbaǧanyn aitqan.
Dinara Zakieva äleumettık jelıdegı jazbasynda atalǧan otbasy jönınde özıne eşqandai aqparat tüspegenın aitty.
Būl jaǧdaiǧa balalar ombudsmenı pıkır bıldırgen.
«Ombudsmen ärbır polisiia nemese qorǧanşylyq organy qyzmetkerınıŋ äreketın jeke qadaǧalai almaidy. Polisiianyŋ jūmysyn IIM, al qorǧanşylyq qyzmetın äkımdıkter baqylaidy», — dep jazdy ol. Sondai-aq, ol qor tarapynan da aqpar bolmaǧanyn ataǧan.
Al "Nemolchi" qorynyŋ basşysy ombudsmennıŋ äreketın synady.
«Dinara Zakieva bızdıŋ qorǧa aiyp taǧuda, bıraq özı barlyq jaǧdaidy baqylai almaitynyn moiyndaidy. Eger baqylau bolmasa, demek, memlekettık organdardyŋ jūmysy älsız, al ombudsmen jüielı jūmysty jolǧa qoia almady. Onyŋ üstıne, bızdıŋ nömırlerımızdı ol ekı jyldan berı būǧattap tastaǧan, ötınışterge jauap bermeidı, tek rezonans bolǧan kezde ǧana äreket etedı», — dedı Smailova.
Onyŋ sözınşe, Zakieva 6 milliard teŋge kölemınde qarjy alyp, 112 otbasyn qoldau ortalyǧyn aşqan.
