Qazaqstannyń balalar quqyǵy jónindegi ýákili Dınara Zakıeva bloger Qupynaı Qalmenova jarııalaǵan aqparatqa qatysty málimdeme jasady, dep habarlaıdy "Adyrna" ulttyq portaly.
Zákıeva kámeletke tolmaǵan balalardyń quqyqtaryn qorǵaý maqsatynda tıisti sharalar qolǵa alynǵanyn aıtty.
«Atalǵan jaǵdaı boıynsha men jáne zańger keshe blogermen baılanysqa shyqtyq. Qalalyq prokýratýramen birge proestik sheshim qabyldaý máselesi boıynsha jumys istep jatyrmyz. Ýákiletti organdarmen birlese otyryp, balalardyń quqyqtaryn qorǵaý úshin barlyq qajetti sharalardy qabyldaımyz», – dep jazdy ol.
Balalar quqyǵy jónindegi ýákil ata-analardy balalardyń qaýipsizdigin qamtamasyz etý kerektigin eskerdi.
«Ata-analardy qyraǵy bolýǵa shaqyramyn: balanyń kimdermen aralasatynyn árdaıym baqylap, oǵan qaýip-qaterler, sonyń ishinde áleýmettik jelilerdegi qaýipti jaǵdaılar týraly aıtyp otyrý qajet. Sondaı-aq, mektepterde qaýipsizdik sabaqtary aıasynda qaralatyn taqyryptardy talqylaý mańyzdy», – dedi Dınara Zakıeva.
Eske sala keteıik, jelide oraldyq bloger Qolǵanat Jumabaev kámeletke tolmaǵan qyzdarǵa jazyp, qyryndady degen daý shyqqan bolatyn.
