Túrkistanda 17 jastaǵy jigit kámelet jasqa tolmaǵan qyzdy jeti ret zorlaǵany anyqtaldy, dep habarlaıdy “Adyrna” ulttyq portaly.
Bul týraly «Ne molchı» qory málimdedi.
Sot-psıhıatrııalyq saraptamasy zorlanǵan qyzdyń jalǵan aıtpaǵanyn qorytyndylaǵan. Jigit qyzdy zorlap, qorqytqan sátindegi áńgimeleriniń stenogrammasy da bar.
«Qyzdy zorlaǵan soń avtobýsqa otyrǵyzyp, úıine jibergen. Qan jaǵylǵan oramaldy sýretke túsirip, eger bireýge jaq ashar bolsa, ony (qyzdy - red.) kolonııaǵa jiberetinin aıtyp qorqytqan. Osylaı qyzdy jeti ret zorlap kelgen. Sot otyrysynda jigit qyzdyń ózin azǵyrǵanyn aıtyp, kinásin moıyndamady»,- delingen qor jazbasynda.
“Nemolchı” málimetinshe, zorlaý faktisin anyqtaǵan barlyq saraptamalardan keıin is 120-baptyń 3-1 «Kámeletke tolmaǵanǵa qatysty birneshe ret kúsh qoldana otyryp zorlaý» boıynsha saralanǵan. Biraq sot dál sot tergeýi kezinde isti 122-baptyń 1-bóligine – «16 jasqa tolmaǵan adammen jynystyq qatynasqa túsý» degen sanatyna jatqyzylǵan.
Kúdikti jigit sot otyrysynyń birinde úzilis jarııalaǵan. Sodan keıin jınalys múlde keıinge shegerilgeni de belgili boldy.
