Astanaǧa konsert qoiuǧa kelgen aty Backstreet Boys toby «Taza Qazaqstan» ekologiialyq ailyǧy aiasynda senbılıkke qatysyp, Beibıtşılık pen kelısım saiabaǧynda aǧaş otyrǧyzdy. Būl turaly Elorda äkımdıgı resmi saity jariialady, dep habarlaidy “Adyrna”.
Beibıtşılık pen kelısım saiabaǧy – konfessiiaaralyq jäne mädenietaralyq dialogty nyǧaituǧa arnalǧan bıregei keŋıstık. Mūnda «Jūldyzdy aspan» tunnelı, «Ömır aǧaşy» eskertkışı men satyly sarqyrama ornalasqan.
«Taza Qazaqstan. Astana – tazalyq pen tärtıptıŋ ülgısı» ekologiialyq ailyǧy aiasynda būl jerde erekşe ıs-şara boldy: äigılı Backstreet Boys toby elordalyqtarmen bırge aǧaş otyrǧyzuǧa qatysty. Muzykanttar ekologiialyq bastamany jyly qabyldap, jasyl qala qūru ısıne öz ülesın qosuǧa quana kelısım berdı», - dep jazylǧan habarlamada.
Solist Braian Littrell özınıŋ Instagram paraqşasynda Qazaqstannan alǧan äserın bölısıp, suretter jariialady.
Konsert 21 qyrküiekte ötedı, Qazaqstannyŋ astanasyna älemnıŋ tükpır-tükpırınen ondaǧan myŋ janküier keledı dep josparlanyp otyr.
