Qasym-Jomart Toqaev bügın Almaty qalasynyŋ halqymen kezdestı. Onda ol jastardy qoldap, älemge pragmatikalyq közben qarauymyz keregın aitty. Būl turaly Aqorda jariialady, dep habarlaidy “Adyrna” ūlttyq portaly.
"Men akademik Asqar Jūmadıldaev aitqan paiymmen tolyq kelısemın. Halqymyz osyndai kürdelı zamanda eŋ aldymen, älemge pragmatikalyq közben qarauy kerek. Bos äŋgımelerdı toqtatu qajet. Mysaly, Şyŋǧys han qai rudan şyqty degen talas-tartysty qoiu kerek dep oilaimyn. Qazırgı taŋda ziialy qauymnyŋ keibırı şetınen tarihşy, şyŋǧystanuşylar bolyp kettı. Mūnyŋ qoǧamymyzǧa paida äkelerıne kümänım bar”,- dedı ol.Sondai-aq, prezident jastardy qoldauǧa şaqyrdy.
Jastarymyzdyŋ sanasy sergek, etı tırı, şiraq boluy qajet. Körşı memleketterdegı jas azamattar şetelge baryp, käsıporyndar, dükender aşyp, jaqsy ömır süru üşın jaŋa daǧdylardy igerıp jatyr. Olar, şyn mänınde, bäsekege qabılettı, eŋbekqor adamdar. Qazırgı jaǧdaida men bır jerde ömır süremın, tuystarmen ömır boiy bırge tūramyn degen ūǧym äbden eskırgen. Sondyqtan, qūrmettı aǧaiyn, bärımız ozyq bolaiyq! Sonda ǧana jastarymyzdyŋ közı aşyq, kökıregı oiau, oilary ūşqyr bolady, köptegen syn-qaterge tötep bere alady. Öz jaǧdaiyn özderı jasap, jaqsy ömır süre alady".
Ūqsas jaŋalyqtar
