Almaty qalasynyŋ qoǧamdyq densaulyq saqtau basqarmasy «Han-Täŋırı» komandasynyŋ 19 jastaǧy futbolşysy Dias Töleudıŋ auruhanaǧa qandai jaǧdaida jetkızılgenın habarlady, dep habarlaidy "Adyrna".
Ol Qazaqstan chempionatynyŋ Bırınşı ligasy aiasyndaǧy oiyn kezınde özın naşar sezınıp, qyzmetkerler ony alaŋnan köterıp alyp ketken. Vedomstvo mälımetınşe, futbolşy klinikalyq ölım jaǧdaiynda auruhanaǧa jetkızılgen.
"Almaty qalalyq ortalyq klinikalyq auruhanasynyŋ qabyldau bölımıne 2006 jyly tuǧan pasient klinikalyq ölım jaǧdaiynda jetkızıldı. Ony match kezınde kezekşılıkte bolǧan jeke medisinalyq jedel järdem kölıgı alyp kelgen. Qabyldau kezınde jürek soǧysy men qan qysymy bolmaǧan, qaraşyqtary keŋeigen. Medisinalyq brigada 30 minut boiy reanimasiialyq şaralar jürgızgenımen, ömır belgılerın qalpyna keltıru mümkın bolmady. Biologiialyq ölım tırkeldı", — dep habarlady qoǧamdyq densaulyq saqtau basqarmasy.
Qazır oiynşynyŋ denesı ölımnıŋ naqty sebebın anyqtau üşın sot-medisinalyq saraptamaǧa jıberıldı.
Eske salaiyq, keşe «Han-Täŋırı» klubynyŋ şabuylşysy oiyn kezınde jaǧdaiy naşarlap, köz jūmǧan bolatyn.
