Gazanyŋ şyǧysyndaǧy Şudjaiiada İzrail dronynyŋ şabuylynan alty palestinalyq qaza tapty, dep habarlaidy "Adyrna" ūlttyq portaly.
WAFA agenttıgınıŋ mälımetınşe, üilerın tekseruge şyqqan beibıt tūrǧyndarǧa dron şabuyly jasalǧan. Saldarynan bes adam köz jūmyp, taǧy bırneşe adam jaraqat alǧan.
Sondai-aq, Han-Iýnis qalasynyŋ şyǧysynda bır adam qaza tauyp, bır adam jaralanǧan. Halaua bosqyndar lagerınde de bırneşe tūrǧyn jaraqat alǧany aityldy.
İzrail qorǧanys küşterı dron şabuyly bolǧanyn rastady.
Äskerilerdıŋ aituynşa, adamdar İzrail äskerı ornalasqan beketterge jaqyndap, “sary syzyqtan” ötıp ketken. Osydan keiın aldymen eskertu jasalyp, qozǧalys jalǧasqan soŋ aviasiialyq soqqy berılgen.
“SAHAL Gazadaǧy tūrǧyndardy nūsqaulardy oryndauǧa jäne İzrail küşterı ornalasqan aimaqtarǧa jaqyndamauǧa şaqyrady”, — delıngen İzrail armiiasynyŋ resmi mälımdemesınde.
Aita keteiık, İzrail men HAMAS arasyndaǧy atysty toqtatu rejimı 10 qazan künı saǧat 12:00-de küşıne engen edı.
Būǧan deiın Mysyrdyŋ Şarm-el-Şeih qalasynda ötken beibıtşılık sammitınde AQŞ, Türkiia, Qatar jäne Mysyr basşylary Gaza sektory boiynşa atys toqtatu kelısımıne qol qoiǧan.
