Türkıstan qalasynda tūrǧyndar men qonaqtarǧa jaily, qoljetımdı ärı qauıpsız qoǧamdyq kölık qyzmetın ūsynu baǧytynda bügın 16 jaŋa avtobus jelıge qosyldy.
Qala äkımı Äzımbek Pazylbekūlynyŋ halyqpen kezdesulerınde tūrǧyndar tarapynan aitylǧan ūsynys-pıkırler eskerılıp, jaŋa avtobustar şet aimaqtardaǧy qajettı marşruttarǧa tolyqtyryldy.
Jaŋa avtobustar zamanaui talaptarǧa sai beinebaqylau kameralarymen, kondisioner, elektrondy bilet jüiesımen jabdyqtalǧan. Sondai-aq, mümkındıgı şekteulı azamattardyŋ erkın qatynauyna qolaily bolu üşın arnaiy pandustar da qarastyrylǧan.
Bügıngı taŋda Türkıstan qalasynda 22 baǧyt boiynşa marşruttar men 683 aialdama bar. Atalǧan baǧyttarǧa 200-den asa qoǧamdyq kölık kündelıktı qyzmet körsetude. Jyl soŋyna deiın qala tūrǧyndarynyŋ qajettılıgın qamtamasyz etu maqsatynda taǧy 10 jaŋa avtobus jelıge qosylady dep josparlanuda.
Ūqsas jaŋalyqtar
