Türkıstan qalasy äkımınıŋ orynbasary Äbılseiıt Rabaev şahar aumaǧynda jüzege asyrylyp jatqan qūrylys jäne jol jöndeu nysandaryn aralap, atqarylyp jatqan jūmystardyŋ barysymen tanysty.
Äbılseiıt Baiseiıtūly jaŋadan salynyp jatqan ippodromǧa aparatyn joldyŋ qūrylys barysyn aralady. Josparǧa säikes ūzyndyǧy 1,3 şaqyrymdy qūraityn jolǧa ekı qabatty asfalt töselıp, jaryq şamdary ornatylǧan. Bügınde joldyŋ ekı jaǧynan aiaqjol töseu jūmystary jalǧasuda.
Sondai-aq, Bekzat tūrǧyn alabynda atqarylyp jatqan jūmys barysymen tanysty. Mūnda jalpy ūzyndyǧy 8,4 şaqyrymdy qūraityn 5 köşede ortaşa jöndeu jūmystary jürgızılude. Jöndeu barysynda jol negızın äzırleu, ırı jäne ūsaq tüiırşıktı asfalt jabyndysyn töseu, jol jiekterın retke keltıru, sondai-aq bır jaqty aiaqjol salu jūmystary atqaryluda.
Otyrar tūrǧyn alabynda da auqymdy jöndeu jūmystary qolǧa alynǧan. Mūnda Şaian, Oisylqara, Keles jäne olarǧa ırgeles köşelerdı qamtityn, jalpy ūzyndyǧy 24,6 şaqyrymdy qūraityn 28 köşede ortaşa jöndeu jürgızılude.
Jol infraqūrylysymen qatar tūrǧyn üi qūrylysy da qarqyn alyp keledı. Äbılseiıt Baiseiıtūly 5 qabatty 22 kredittık tūrǧyn üi keşenınıŋ qūrylys alaŋynda bolyp, merdıger mekeme ökılderımen kezdestı. Jalpy aumaǧy 8,4 gektardy qūraityn keşende 880 päter salynyp jatyr. Qazırgı taŋda negızgı qūrylys jūmystary bastalyp, belsendı jürgızılude.
Nysandardy aralau barysynda qala äkımınıŋ orynbasary merdıger ūiymdarǧa jūmystardy sapaly, ärı belgılengen merzımde aiaqtaudy tapsyrdy.
Ūqsas jaŋalyqtar
