Qazaqstandyq änşı Ämıre halyqaralyq “İntervidenie – 2025” baiqauynda “Dala taŋy” kompozisiiasyn oryndaidy, dep habarlaidy "Adyrna".
Būl än ūsynylǧan 10 nūsqanyŋ ışınen taŋdalǧan. Muzykasyn oryndauşynyŋ özı jazsa, sözın aqyn Saiat Rahymjanov qalamǧa alǧan.
Baiqaudaǧy Ämırenıŋ nömırı erekşe bolmaq. Öner iesımen bırge sahnaǧa segız jasar Jasmin Qairatqyzy şyǧady. Ol – qazaqstandyq delegasiianyŋ eŋ jas müşesı. Arnaiy kastingke qatysqan 100 ümıtkerdıŋ ışınen Jasmin üzdık tanyldy. Qoiylymnyŋ tolyq mazmūny äzırge qūpiia saqtaluda, alaida özge elderdıŋ qatysuşylary nömırge joǧary baǧa bergen.
"Būl än tek osynda ǧana emes, qatysuşylardyŋ barlyǧynyŋ jüregın jaulap aldy. Olar äuenın bırge aityp, süisıne qabyldap jatyr. Bızdıŋ basty maqsatymyz – būl tuyndy Qazaqstanda da hitke ainaluy. Ol Otanǧa degen mahabbatty paş etetın patriottyq änderdıŋ köşbasşylarynyŋ bırı bolsyn deimız", - dedı Qazaqstan delegasiiasynyŋ bas prodiuserı Altynbek Rahmetov.
Baiqauǧa 23 eldıŋ oryndauşysy qatysyp jatyr. Finaldy 20 qyrküiek künı saǧat 22:30-da “Euraziia bırınşı arnasy” tıkelei efirde körsetedı.
