10 qazanda Ūlttyq bank baǧanyŋ şekten tys ösuıne qarsy qataŋ qadam jasady – bazalyq mölşerleme būrynǧy 16,5%-dan 18%-ǧa köterıldı. Mūny retteuşı baǧanyŋ şekten tys ösıp ketuımen tüsındıredı, dep habarlaidy "Adyrna".
«İnfliasiianyŋ küşeiuı, sūranystyŋ ūsynystan asyp tüsuı jäne belsendı fiskaldyq saiasat aiasynda aqşa-kredit şarttarynyŋ jūmsaruy baǧanyŋ şekten tys ösuıne qauıp tuǧyzdy. Osyǧan bailanysty infliasiianyŋ dinamikasyn tūraqtandyryp, baǧanyŋ baqylaudan şyǧuyna jol bermeu üşın şeşımdı qadam jasauǧa tura keldı», – dep jazylǧan qarjy ūiymynyŋ saitynda.
Retteuşınıŋ tüsındıruınşe, barlyq negızgı metrika boiynşa infliasiianyŋ öskenı baiqaldy. Jyldyq infliasiia qyrküiekte 12,9%-ǧa deiın qarqyn alyp , Ūlttyq Banktıŋ boljamynan asyp tüstı.
Öndırıs şyǧyndary, import qūnynyŋ ösuıne bailanysty azyq-tülık te qarqyndy qymbattap jatyr. Janar-jaǧarmai naryǧyn yryqtandyru şaralaryn jalǧastyru aiasynda azyq-tülıkke jatpaityn infliasiia qarqyn ala bastady (10,8%) – otyn baǧasy bır jylda 11,9%-ǧa qymbattap, qyrküiekte 3,4%-ǧa östı.
«Syrtqy infliasiialyq äser älı saqtalyp otyr. Sonymen bırge, eŋ aldymen, älemdık azyq-tülık naryqtary jaǧynan täuekel küşeie tüstı. Soŋǧy jyldary et pen ösımdık maiy sanattarynda baǧa jaǧynan rekordtyq ösım baiqaldy. Olardyŋ dinamikasy belsendı ışkı eksport jaǧdaiynda ışkı baǧalardyŋ ösuıne äser etedı» , – dep tüsındıredı Ūlttyq bank.
2025 jylǧy qaŋtar-tamyz ailaryndaǧy ekonomikanyŋ ösuı jyldyq mände 6,5%-ǧa deiın jedeldedı. Bıraq būl ösım biudjettık ekspansiiaǧa jäne ışkı tūtynuǧa täueldı sektorlarda şoǧyrlanyp tūr deidı mamandar. Sūranystyŋ ūsynys mümkındıkterınen asyp tüsu belgılerı küşeiıp, importtyŋ tiısınşe ösuıne alyp kelıp otyr. Qosymşa dinamikany belsendı tūtynuşylyq nesieleu men joǧary infliasiialyq kütuler berdı.
«İnfliasiianyŋ aitarlyqtai jedeldeuı, joǧary infliasiialyq kütuler men naqty tiımdı aiyrbastau baǧamynyŋ älsıreuı jiyntyq aqşa-kredit şarttarynyŋ eleulı türde jeŋıldeuıne jäne boljamdy infliasiianyŋ ornyqty tömendeu traektoriiasynan auytquyna alyp keldı. Osy jaǧdailarda, infliasiianyŋ naqty deŋgeiı boljamnan asyp tüskenıne bailanysty aqşa-kredit saiasatyn qataŋdatu maqsatynda Komitet bazalyq mölşerlemenı arttyru turaly şeşım qabyldady», – dep jazylǧan Ūlttyq bank habarlamasynda.
Eger būl deŋgei jetkılıksız bolsa, bolaşaqta odan ärı qataŋdatuy mümkın ekenın de eskerttı.
