Şymkent qalasynyŋ Nauryz alaŋynda respublikalyq Orkestrler şeruınıŋ saltanatty aşyluy öttı. Qala künıne oraĭ 15 jäne 17 mausym künderı Nauryz alaŋynda elımızdıŋ är öŋırınen kelgen klassikalyq, ūlttyq jäne zamanaui janrdaǧy orkestr ūjymdary öner körsetedı.
Bügıngı Orkestrler şeruınıŋ aşylu räsımıne «Şymkent konsert» konserttık ūĭymynyŋ Qazaq ūlt-aspaptar orkestrı men Şymkent qalalyq Opera jäne balet teatrynyŋ simfoniialyq orkestrı qatysyp, qala tūrǧyndaryna keremet mädeni demalys syĭlady.
17 mausym künı Qūrmanǧazy atyndaǧy Qazaq ūlttyq halyq aspaptar orkestrı, Süĭınbaĭ atyndaǧy Almaty oblystyq filarmoniiasynyŋ «Aqjauyn» kameralyq orkestrı, Jambyl atyndaǧy Qazaq memlekettık akademiialyq filarmoniiasynyŋ Qazaqstan Respublikasynyŋ Memlekettık ürmelı aspaptar orkestrı, Ǧ.Qūrmanǧaliev atyndaǧy Batys Qazaqstan oblystyq filarmoniiasynyŋ Ş.Qajyǧaliev atyndaǧy estradalyq-simfoniialyq orkestrı, CDA Big Band djaz orkestrınıŋ qatysuy josparlanyp otyr.
Şymkent qalasy äkımınıŋ orynbasary Särsen Qūranbek orkestrler şeruı ıs-şaralardyŋ onkündıgı aiasynda ötıp jatqanyn jetkızıp, qala tūrǧyndary men qonaqtaryn keremet konsertterdı tamaşalauǧa şaqyrdy.
Aĭta ketsek, respublikalyq Orkestrler şeruın Şymkent qalasy äkımdıgınıŋ qoldauymen, Şymkent qalalyq Mädeniet, tılderdı damytu jäne arhivter basqarmasy ūĭymdastyrdy.
