Astanadaǧy jeŋıl relstı kölık (LRT) jobasyna qatysqan būl kompaniia Türkıstan öŋırınde de ırı investisiialyq jobalarǧa qatysudy josparlap otyr. Onyŋ ışınde Türkıstan qalasynyŋ şyǧys ainalma jolynyŋ qūrylysyn biylǧy qyrküiek aiynda bastalatyn boldy.
– Ekı memlekettıŋ Prezidentterınıŋ tyǧyz bailanysy, dostyq qarym-qatynasy maŋyzdy bastamalarǧa jol aşuda. Bır ai būryn özıŋızben jolyqqanymyzda Türkıstan öŋırınde bırqatar jobany jüzege asyruǧa kelısken bolatynbyz. Endı sol jūmystar bastalady. Būl strategiialyq ärıptestık Türkıstan oblysyn damytuǧa serpın beredı dep senemın, – degen Nūralhan Köşerov öŋırdıŋ investisiialyq äleuetın taǧy da tanystyrdy.
Äleuettı investor Türkıstan qalasynyŋ şyǧys ainalma jolyn salady. Bügınde «Batys Europa-Batys Qytai» avtojolynyŋ bır bölıgı Türkıstan qalasynyŋ ortalyǧynda ornalasqan jäne şamamen täulıgıne 8000 jük kölıgı jürıp ötedı. Būl şaharda kölık keptelısın tuyndatyp, joldardyŋ jiı zaqymdaluyna yqpal etude. Oǧan qosa, ırı jük kölıkterı üşın qalanyŋ ışın qaq jaryp ötu de qolaisyzdyq tudyrady. Osy mäselenı şeşu üşın Türkıstannyŋ şyǧys bölıgınen ainalma jol salu jospary jasalyp, qoldau tauyp otyr. 30 şaqyrym joldyŋ qūrylysy 1,5 jylda aiaqtalady dep josparlanǧan.
Qos tarap osy joldyŋ qūrylysyna jäne oblysta logistikalyq ortalyq pen öndırıs ornyn aşu boiynşa da kelıssöz jürgızıp, jobalar jüzege asatyn aimaqqa şolu jasady. Aldaǧy uaqytta öŋırde jaŋa jūmys oryndaryn aşu baǧytyndaǧy jobalar jalǧasyn tappaq.
Ūqsas jaŋalyqtar
