Mäjılıs deputaty, «AMANAT» partiiasy fraksiiasynyŋ müşesı Maqsat Tolyqbai şaǧyn jäne orta bizneske arnalǧan memlekettık qoldau şaralarynyŋ tiımsız jüzege asyrylyp jatqanyn mälımdedı, dep habarlaidy «Adyrna» tılşısı.
«Soŋǧy kezderı şaǧyn jäne orta biznestıŋ nesiesıne biudjetten subsidiianyŋ keşıktırıp berıletını «tärtıpsız» tärtıpke ainaldy. Elımızde jüz myŋdaǧan käsıpker onsyz da qymbat nesiesınıŋ paiyzdyq syiaqysyna memleket uäde etken ötemaqyny ailap ala almai, sarylyp kütıp otyr. Qysyltaiaŋ şaqta käsıpkerlerdı qoltyǧynan süieidı degen baǧdarlama qazır Almaty qalasynan basqa öŋırdıŋ bärınde toqyrap tūr. Bıraq oŋtüstıktegı megapolistıŋ käsıpkerlerıne de tyqyr taianǧan. Qalǧan öŋırlerde subsidiiaǧa bölıngen qarjy jazda tausylyp qalǧan, jaŋa ötınışter äzırge jauapsyz qalyp otyr»,–dedı ol Premer-Ministrdıŋ orynbasary – Ūlttyq ekonomika ministrı Serık Jūmanǧaringe joldaǧan deputattyq saualynda.
Maqsat Tolyqbai ūlttyq bank bazalyq mölşerlemenı kötergendıkten, ekınşı deŋgeilı bankter beretın nesie men lizing şarttary käsıpkerler üşın öte auyr ekenın atap öttı.
«Bizneske beretın nesienıŋ paiyzdyq syiaqysynyŋ jyldyq mölşerlemesı 25 paiyzǧa jetedı. Batpandai boryşty orta jäne şaǧyn biznes qalai töleidı? Mūndai qymbat nesiemen älemde qandai biznes jospar bolsa da tabysqa kenelmeidı. «Damu» Qory jyl basynan berı bankter şaǧyn jäne orta biznestıŋ jalpy qūny 300 mlrd teŋge bolatyn 2 200 jobasyn maqūldaǧany turaly derek ūsynady. Al şyn mänınde 120 mlrd teŋge ǧana jūmsalǧan, iaǧni ötınış bergenderdıŋ 40 paiyzy ǧana nesiege qol jetkızgen. Qalǧan käsıpkerler qoldausyz, qūralaqan qaldy. Osydan keiın biznes memlekettık baǧdarlamalarǧa qalai arqa süieidı? Memleketke senım bolmasa, onda sanda bar, sanatta joq mūndai baǧdarlamalardan ne paida?»–dedı ol.
