Sheteldik bıznesmenderdiń Qazaqstanǵa qaryzy 4 mlrd teńgeden asty. Bul týraly Senat depýtaty Andreı Lýkın málimdedi, dep habarlaıdy “Adyrna” ulttyq portaly.
Senator sheteldikter Qazaqstanda óz kompanııalaryn tirkegennen keıin elden ketetinin, alaıda qurylǵan fırmalardy jalǵan shot-faktýra jazý, salyq tóleýden jaltarý jáne qarjyny kóleńkeli aınalymǵa shyǵarý úshin paıdalanady.
«Bıznes-ımmıgranttardyń vızasyz 198 kompanııasynda 4 mlrd teńge bereshegi bar. 1,5 myńnan astam kompanııa tirkeý ornynda joq jáne 2 myńǵa jýyq fırma jumys istemeıdi. Bul tolyq derek emes. Memlekettik kirister organdary zańdy tulǵany qurý kezinde zańnamalyq buzýshylyqtarǵa jol berýine baılanysty ony taratý jolymen talap qoıýǵa quqyly. Zańdy tulǵany qurǵan sheteldiktiń bıznes-ımmıgrant vızasyn almaýy – osyndaı buzýshylyqtyń biri», - dedi senator.
Aıtýynsha, respýblıkalyq mańyzy bar oblystar men qalalarda belgilengen zańdy tulǵanyń memlekettik tirkeýden ótýin taný sharalary jalpyǵa birdeı qolǵa alynbaǵan.
Halyqqa qyzmet kórsetý ortalyǵy qyzmetkerleri sheteldikterdiń bıznes-ımmıgrant vızasy bolmasa da, zańdy tulǵany tirkeýden ótkizýdi jalǵastyrý faktileri qıyndyq týǵyzyp otyr. Oǵan salalyq normatıvtik aktilerden bas tartý úshin negizderdiń bolmaýy sebep bolady.
“Qalyptasqan jaǵdaı sheteldik azamattardyń kúmándi zańdy tulǵa qurýyna yqpal etedi. Olar keıinnen qarjysyn kóleńkeli aınalymǵa shyǵarý shemalarynda qoldanýy ábden múmkin. Osyǵan baılanysty bıznes-ımmıgranttarǵa salyq salý jáne kóshi-qon máseleleri boıynsha vedomstvolyq baqylaýdy kúsheıtýdi usynamyn”, - dedi depýtat.
Sondaı-aq, el boıynsha bıznes-ımmıgranttardyń tikeleı qatysýymen salyq tólemderi men zańdy qyzmet júrgizý turǵysynda kompanııalar men fırmalarǵa aýdıtorlyq tekserýler júrgizýdi, bıznes-ımmıgranttarmen quqyqtyq qatynastardy retteý tetigin jetildirý jóninde zańnamalyq túzetýlerge bastamashylyq jasaýdy usyndy.
