Soltüstık Qazaqstan oblysynda şeteldık azamattarǧa zaŋsyz türde jüzdegen jeke säikestendıru nömırı (JSN) berılgenı anyqtaldy, dep habarlaidy "Adyrna" ūlttyq portaly.
Būl turaly QR Bas prokuraturasynyŋ baspasöz qyzmetı mälımdedı.
Vedomstvo deregınşe, «Azamattarǧa arnalǧan ükımet» memlekettık korporasiiasynyŋ oblystyq filialy zaŋ talaptaryn öreskel būzyp, Qazaqstan aumaǧyna kelmegen şeteldıkterge 720 JSN räsımdegen.
Prokurorlyq qadaǧalau nätijesınde kınälı tūlǧalar jauapkerşılıkke tartylyp, zaŋsyz berılgen JSN-derdı joiu şaralary qolǧa alyndy.
Sonymen qatar, 3 şıldede Petropavl qalasy men M. Jūmabaev audanynyŋ polisiia organdary Qylmystyq kodekstıŋ 206-baby 2-bölıgı («Aqparatty zaŋsyz joiu nemese özgertu») boiynşa sotqa deiıngı tergeudı bastaǧan. Qazırgı uaqytta tergeu amaldary jürgızılıp jatyr.
Is oblystyq prokuraturanyŋ erekşe baqylauyna alynǧan.
