30 qyrküiekte Almatynyŋ Ortalyq stadionynda UEFA Chempiondar ligasy aiasynda «Qairat» pen «Real Madrid» klubtarynyŋ kezdesuın stadionda 23 myŋǧa juyq janküier tamaşalady, dep habarlaidy "Adyrna" tılşısı qala äkımdıgıne sılteme jasap.
Būl match şetelde de qyzyǧuşylyq tudyrǧan. Atap aitsaq, Almatyǧa 5 myŋnan asa şeteldık turist kelgen. Negızgı aǧyn Qytai, Resei, İspaniia, Japoniia, Ūlybritaniia, Chehiia siiaqty elderden kelgen.
Qauıpsızdıktı qamtamasyz etuge 2,5 myŋnan asa polisei jūmyldyrylǧan. Sonymen qatar, Almaty garnizonynan şamamen 50 äsker kezekşılık etken. Al jedel järdem men bılıktı därıgerler medisinalyq qyzmet körsetken.
"Janküierlerdıŋ yŋǧaiy üşın metropoliten jūmysy tüngı 01:00-ge deiın ūzartyldy (ädette 00:00-ge deiın). Sondai-aq Ortalyq stadionnan alty baǧyt boiynşa 60 tegın avtobus qatynap, janküierlerdı qalaǧa jetkızdı.
«Qairat» — «Real Madrid» oiyny tek sporttyq şara emes, naǧyz älemdık futbol merekesıne ainaldy. Almaty ūiymdastyru deŋgeiın de, qonaqjailyǧyn da taǧy bır märte körsettı",–dep jazdy äkımdıktıŋ baspasöz qyzmetı.
