Prezident Qasym-Jomart Toqaevtyŋ Niu-Iork qalasyndaǧy jūmys sapary aiasynda bır künde 20-dan astam joǧary deŋgeidegı kezdesu öttı.
Būl turaly Memleket basşysynyŋ baspasöz hatşysy Ruslan Jeldıbai habarlady.
Kezdesuler barysynda auyl şaruaşylyǧy, bılım, sport, investisiia, jasandy intellekt syndy strategiialyq baǧyttar qamtyldy. Nätijesınde Qazaqstan ekonomikasyna 5,2 mlrd dollar investisiia tartu jönınde kelısımder jasaldy. Qazaqstan men AQŞ-tyŋ ırı kompaniialary arasynda 11 memorandumǧa qol qoiyldy.
Prezident amerikalyq jetekşı korporasiialar basşylarymen kelıssözder jürgızdı. Atap aitqanda:
-
PepsiCo – Almaty oblysynda 368 mln dollarlyq snek zauytynyŋ qūrylysy bastaldy;
-
Amazon – Almaty, Aqköl, Aqtau qalalarynda jerüstı infraqūrylymyn jasaqtap, 200 mln dollar investisiia salmaq. Joba aiasynda şalǧai öŋırlerge joǧary jyldamdyqty internet jetkızılmek;
-
Meta vise-prezidentı Iаnn Lekunmen jasandy intellektınıŋ damuy talqylandy;
-
Chevron – Qazaqstanǧa täuelsızdık jyldarynan berı 55 mlrd dollar qūiǧany atap ötıldı;
-
Sondai-aq ExxonMobil, Blackstone, Citigroup, Embraer, Cerberus Capital Management basşylarymen kelıssözder boldy.
Qasym-Jomart Toqaev Qazaqstan-AQŞ biznesı yntymaqtastyǧyn nyǧaituǧa arnalǧan döŋgelek üstelge qatysty.
Sonymen bırge Memleket basşysy AQŞ Prezidentı Donald Tramppen kezdesıp, ekonomikalyq yqpaldastyqty keŋeitu mäselelerın talqylady. Tramp Truth Social paraqşasynda jalpy qūny 4 mlrd dollar bolatyn 300 lokomotiv öndırısı turaly kelısımdı erekşe atap öttı.
Būdan bölek, Toqaev BŪŪ Bas hatşysy Antoniu Guterrişpen, Ukraina Prezidentı Vladimir Zelenskiimen, Chernogoriia Prezidentı Iаkov Milatovichpen, sondai-aq AQŞ Sauda ministrı, Sauda palatasy jäne arnaiy ökılderımen kelıssözder jürgızdı.
Sapar aiasynda Prezident FİFA basşysy Djanni İnfantinony qabyldap, qazaqstandyq futboldy damytuǧa baǧyttalǧan bırlesken jobalardy talqylady.
