AQŞ-ta Donald Tramp pen İlon Mask mamyr aiynda bolǧan kelıspeuşılıkten keiın alǧaş ret köpşılık aldynda bırge boi körsettı, dep habarlaidy "Adyrna" ūlttyq portaly.
Olar 21 qyrküiekte Arizona ştatynda ötken marqūm Charli Kirkke arnalǧan qoştasu räsımıne qatysty.
CNN-nıŋ habarlauynşa, ıs-şara sport arenasynda ūiymdastyrylyp, Tramp pen Mask prezidenttık lojada qatar otyryp äŋgımelesken. BAQ kadrlarynda olardyŋ qol alysyp, jyly şyrai tanytqany körındı. Mask keiın äleumettık jelıde Tramppen söilesıp otyrǧan surettı jariialap, oǧan «Charli üşın» dep jazdy.
Räsım barysynda Qorǧanys ministrı Pit Hegsest söz söilep jatqanda da, ekı jaq qyzu äŋgımege berılıp, qol qimyldarymen pıkır almasqany baiqaldy. Mask jiı bas izep, tyŋdap otyrǧan. Būl olardyŋ Mask memlekettık qyzmetten ketkennen keiıngı alǧaşqy resmi bırlesken körınısı boldy.
Jurnalister sūraǧyna Tramp: «Mask kelıp sälemdestı. Qarym-qatynasymyz öte jaqsy», – dep jauap berdı.
Aqparat közderınıŋ mälımetınşe, Charli Kirk Tramp pen Mask arasyndaǧy bailanysty qalpyna keltıruge yqpal etken.
Eske sala keteiık, mausym aiynda İlon Mask şekten şyǧyp ketkenın aityp, Tramptan keşırım sūraǧan edı.
