20 aqpanda Ukraina prezidentı Vladimir Zelenskii Kievte AQŞ prezidentınıŋ Ukraina men Resei mäselelerı boiynşa arnaiy ökılı Kit Kellogpen kezdestı.
Kezdesuden keiın şaqyrylǧan jurnalister saiasatkerlerdıŋ baspasözge jaqyndauyn kütken, bıraq oai bolmady.
«AQŞ tarapynan ötınış boiynşa ıs-şaranyŋ formaty – tek protokoldyq tüsırılım. Ötınım, sūraqtar men jauaptar qarastyrylmaǧan», – dep habarlaidy «Ukrinform» Zelenskiidıŋ baspasöz hatşysy Sergei Nikiforovtyŋ sözderın.
Kit Kellog 19 aqpan künı taŋerteŋ Kievke üş kündık saparmen keldı. Sol künı ony Ukraina Qaruly Küşterınıŋ (AQK) bas qolbasşysy general Aleksandr Syrskii, Ukraina arnaiy qyzmetınıŋ basşylary, sondai-aq Ukraina prezidentı keŋsesınıŋ basşysy Andrei Ermak qabyldady.
20 aqpanda Ukraina Syrtqy ıster ministrı Andrei Sibiga Kellogpen kezdestı. Syrtqy ıster ministrınıŋ aituynşa, kezdesu barysynda taraptar jan-jaqty, ädıl jäne tūraqty beibıtşılıkke qol jetkızu joldaryn talqylady.
«Men Ukrainanyŋ küşpen beibıtşılıkke qol jetkızuge daiyn ekenın jäne qajettı qadamdar turaly közqarasymyzdy rastadym. Sondai-aq Ukraina men transatlantikalyq qauıpsızdıktıŋ bölınbeitının qaitaladym», - dep jazdy ol X äleumettık jelısınde.
