AQŞ memlekettık departamentı Gazadan şyqqan adamdarǧa barlyq sanattaǧy vizalardy uaqytşa berudı toqtatty, dep habarlaidy “Adyrna” ūlttyq portaly DW-ge sılteme jasap.
Būl şeşım tolyq ärı mūqiiat tekserıs jürgızılgenge deiın küşınde bolady.
Vedomstvonyŋ mälımetınşe, soŋǧy uaqytta anklav tūrǧyndaryna medisinalyq jäne gumanitarlyq negızde ǧana azdaǧan uaqytşa vizalar berılgen.
Mäselen, 2025 jyldyŋ özınde Palestina ūlttyq äkımşılıgınıŋ qūjaty bar azamattarǧa 3800-den astam V1/V2 qonaq vizasy räsımdelgen. Tek mamyr aiynyŋ ışınde 640 viza berılgen.
Amerika-İslam qatynastary jönındegı keŋes şeşımdı aiyptap, ony Donald Tramp äkımşılıgınıŋ qasaqana qatygezdıgı dep baǧalady. Al Palestina balalaryn qoldau qory mūndai qadam Gazadaǧy auyr nauqas jäne jaralanǧan balalardyŋ AQŞ-ta em alu mümkındıgın şekteitının mälımdedı.
Aita keteiık, Tramp äkımşılıgı saparlarǧa qoiylatyn şekteulerdı aitarlyqtai qataŋdatu mümkındıgın qarastyryp jatyr. Būl bastama AQŞ-qa taǧy 36 eldıŋ azamattarynyŋ kıruıne tyiym saluǧa äkeluı yqtimal.
