Bügın Ūlytau oblysynda Qazaqstannyŋ eŋbek sıŋırgen qairatkerı, «Qūrmet» ordenınıŋ iegerı, täuelsız «Tarlan» syilyǧynyŋ laureaty, körnektı qazaq rejisserı Janat Hadjiev atyndaǧy halyqaralyq teatrlar festivalınıŋ aşylu saltanaty öttı.
Festivaldıŋ qūrmettı qonaǧy – Qazaqstannyŋ halyq artisı, Memlekettık syilyqtyŋ laureaty Tūŋǧyşbai Jamanqūlov, sondai-aq Janat Hadjievtıŋ jūbaiy Raşida hanym boldy.
Būl – Serke Qojamqūlov atyndaǧy qazaq muzykalyq-drama teatrynyŋ bastamasymen törtınşı ret ūiymdastyrylyp otyrǧan öner merekesı.
Saltanatty aşylu räsımınde söz söilegen Ūlytau oblysynyŋ äkımı Dastan Ryspekov qonaqtar men qatysuşylardy qūttyqtap, festivaldıŋ öŋırdıŋ mädeni ömırındegı maŋyzdylyǧyn atap öttı.
– Ūlytau – ūltymyzdyŋ altyn besıgı. Osy qasiettı mekende ötıp jatqan öner merekesı şyǧarmaşylyq yntymaqtastyqty nyǧaityp, ūlttyq önerımızdıŋ örısın keŋeitedı dep senemın. Festivalge qatysuşylarǧa tabys, al körermenderge jarqyn äser tıleimın, – dedı aimaq basşysy.
Janat Hadjiev atyndaǧy halyqaralyq teatrlar festivalı 16 qyrküiekke deiın jalǧasady. Osy künderı elımızdıŋ bırqatar teatrlary men Resei, Qyrǧyzstan elderınıŋ öner ūjymdary öz qoiylymdaryn ūsynyp, baq synaidy.
