11 qyrküiekte Maŋǧystau oblysynyŋ äkımı Nūrdäulet Qilybaidyŋ töraǧalyǧymen Memleket basşysy Qasym-Jomart Toqaevtyŋ «Jasandy intellekt däuırındegı Qazaqstan: özektı mäseleler jäne ony tübegeilı sifrlyq özgerıster arqyly şeşu» atty Qazaqstan halqyna Joldauynda aitylǧan bastamalardy talqylauǧa arnalǧan oblys aktivınıŋ keŋeitılgen otyrysy öttı.
Joldauda el ekonomikasyn damytudyŋ jetı negızgı baǧyty aiqyndaldy. Atap aitqanda, investisiia tartu, öŋdeu önerkäsıbın jandandyru, auyl şaruaşylyǧyn jaŋa deŋgeige köteru, kölık-logistika salasyn jetıldıru, adami kapitaldy küşeitu, sifrlyq damu qarqynyn arttyru, tūrǧyn üi-kommunaldyq şaruaşylyǧy men su infraqūrylymyn jaŋǧyrtu, sondai-aq Kaspii teŋızın qūtqaru mäselelerı qamtylǧan.
Aimaq basşysy osy basymdyqtar aiasynda öŋırde atqarylyp jatqan jäne aldaǧy jūmystarǧa nazar audardy.
Maŋǧystau oblysynda investisiia tartu, biznes-ortany jäne investisiialyq ahualdy jaqsartu boiynşa belsendı şaralar jürgızılude. Nätijesınde aldaǧy uaqytta ırı qytailyq kompaniialarmen jasalǧan kelısımder aiasynda kölık jäne logistika, maşina jasau, sifrlandyru jäne balyq şaruaşylyǧy salalarynda investisiialyq jobalar ıske asyrylmaq.
Äkım Joldauda atap ötılgen kölık-logistika salasyn damytuǧa qatysty jobalarǧa da toqtaldy. Bügınde Memleket basşysynyŋ qoldauymen Aqtau portynda konteinerlık habtyŋ bırınşı kezeŋı ıske qosyldy. Al 2028 jylǧa qarai quaty 11 mln tonna bolatyn «Sarja» teŋız terminaly paidalanuǧa berılmek. Būdan bölek Aqtau halyqaralyq äuejaiynda qūny 1 mlrd AQŞ dollaryn qūraityn logistikalyq jäne aviasiialyq habtyŋ qūrylysy bastalady.
Sonymen qatar öŋır basşysy turizm salasynyŋ Joldaudaǧy basym baǧyttardyŋ bırı ekenın atap öttı. Osyǧan orai, 2025-2029 jyldary jalpy qūny 193 mlrd teŋgenı qūraityn 19 joba jüzege asyrylady. Būl qosymşa jaŋa jūmys oryndaryn aşuǧa mümkındık beredı. Bozjyra, Şerqala, Airaqty, Kendırlı jäne Jyly jaǧajai turistık aimaqtarynda ekologiialyq jäne jaǧajai turizmın damytuǧa basymdyq berılude.
Oblys äkımı Joldauda belgılengen mındetterdı tiımdı oryndau üşın mäslihat, atqaruşy bilık jäne azamattyq qoǧam arasyndaǧy üilesımdı jūmystyŋ maŋyzdylyǧyn atap öttı.
– Memleket basşysy Joldauda el damuynyŋ jaŋa basymdyqtaryn aiqyndap berdı. Maŋǧystau oblysy kölık-logistika salasynda memlekettıŋ ekonomikasy üşın erekşe maŋyzǧa ie. Memleket basşysy öz Joldauynda osy salanyŋ maŋyzdylyǧyn atap, damytu boiynşa bırqatar tapsyrma berdı. Sonymen qatar Beineu men Sekseuıl arasyndaǧy avtojol qūrylysyn aiaqtau tapsyryldy. Atalǧan baǧyt arqyly jük tasymalyn oŋtailandyruǧa jäne Almaty – Beineu – Sekseuıl kölık jelısın damytuǧa mümkındık tuady. Jobanyŋ basty maqsaty – elımızdıŋ oŋtüstık jäne batys öŋırlerı arasyndaǧy bailanysty nyǧaitu, ekonomikalyq integrasiiany qoldau. Öŋır äleuetın tiımdı paidalanu – bızdıŋ basty mındetımız. Qazır maqsatymyz – halyqpen bırge osy bastamalardy jüzege asyryp, aimaqtyŋ tūraqty damuyna qol jetkızu, – dedı Nūrdäulet Qilybai.
