Mańǵystaýlyq feldsherler aıaǵy aýyr áıeldi jedel járdem kóliginde bosandyryp, ana men balany aman alyp qaldy. Bul týraly Qoǵamdyq kommýnıkaııalar ortalyǵy jazdy, dep habarlaıdy «Adyrna» tilshisi.
8 shildede Munaıly aýdany Batyr aýylynan júkti áıelden shaqyrtý túsken. Feldsherler tıisti meken-jaıǵa jetip, júkti áıeldiń jaǵdaıyn qarap-tekserip, perzenthanaǵa aparmaq bolǵan. Biraq náreste perzenthanany kútpeı, jolda jedel járdem kóliginde dúnıege kelgen.
- Júktiliktiń 37-aptasyndaǵy áıeldi Batyr-Aqtaý tas jolynda oblystyq perzenthanaǵa jedel járdem kóligimen ákele jatqanbyz. Kenetten júkti ananyń tolǵaǵy jıiledi. Áıelde bosandyryp, sábıdiń aman-esen dúnıege kelýine kómektestik. Jedel járdem feldsherleri bosanýdyń kez kelgen kezeńine tap bolýy múmkin. Mundaı jaǵdaıda der kezinde ana men sábıdiń amandyǵy úshin kúsh salamyz. Sebebi bizge ár mınýt mańyzdy sanalady. Dúnıege kelgen sábıdiń daýysy qarqyndy, teri jamylǵysy qyzǵylt, qımyly shıraq, refleksi saqtalǵan,— dedi dedi Munaıly jedel járdem bólimshesiniń feldsheri Kúnsııa Beknazarova.
Kólikte dúnıege kelgen sábıdiń salmaǵy – 3 200 keli, boıy – 52 sm.
Aıta keteıik, feldsherler kindigin kesken sábı búgingi kúni oblystyq Ana men bala ortalyǵynda anasymen birge qadaǵalaýda. Mamandar ana men balanyń jaǵdaıy jaqsy dep baǵalandy.
