Keşe ǧana ötken auyl äkımı sailauynda bırqatar zaŋ būzuşylyqtar tırkelgenı belgılı boldy. Partiialyq emes baiqau ortalyǧynyŋ mälımetınşe, keibır pysyqailar qūjatsyz kelse, özgesı dauys beru kabinasyna ekı adam bolyp kıruge ärekettengen. Sondai-aq öz tuysqanyna dauys beruge asyqqandar da bar. Al sarapşylar sailauǧa oŋ baǧa berıp otyr. Auyl tūrǧyndary üşın asa maŋyzdy sailau jaily "Adyrna" ūlttyq portaly «Euraziia» bırınşı arnasyna sıltep habarlaidy.
730 eldı mekende ötken auyl äkımı sailauy öz märesıne jettı. Tırkeuden ötken 2 297 kandidat baq synady. Endı aldaǧy künde jeŋıske jetken kandidattar belgılı bolady.
Al sailau barysynda 1 419 adam özın-özı ūsynsa, 878 kandidat saiasi partiialardan qatysqan. Halyqtyŋ dauysy arqyly äkım boludan ümıttı 2 297 azamattyŋ 1 839-y er adam, 458-ı äiel. Ärbır kandidatqa respublikalyq biudjetten ügıt-nasihat jūmysyna 220 000 teŋge bölıngen bolatyn.
Cailaudy partiialyq emes baiqau ortalyǧynyŋ töraǧasy Tölegen Künädılovtyŋ aituynşa, keşegı ötken saiasi dodada Şyǧys Qazaqstan men Jambyl oblysynyŋ auyl tūrǧyndary belsendılık tanytqan.
Jalpy Qazaqstan boiynşa 6 322 auyl bar, onda 7 millionnan asa adam tūrady. Jergılıktı sailau komissiialary jasaqtaǧan derekke säikes, öŋırdegı äkımı sailanatyn auyl, auyldyq okrug, audandyq maŋyzy bar qala men kent tūrǧyndarynyŋ 90 paiyzy öz taŋdauyn jasaǧan.
Jalpy 1845 sailau uchaskelerınde Partiialyq emes baiqau ortalyǧynyŋ 2000-ǧa juyq baiqauşylary sailaudy bas-aiaǧy baqylapty. Jalpy elımız boiynşa 12 zaŋbūzuşylyq tırkelgen. Olardyŋ ışınde sanitarlyq talaptardyŋ oryndalmau, araqaşyqtyq saqtalmau, biuleten toltyru kabinkalaryna ekı adamnyŋ kırıp ketuı jäne de öz otbasy müşesıne dauys beru äreketterı tırkelgen. Dese de olar sailau prosesınıŋ zaŋdylyǧy men aşyqtyǧyna äser etpedı, deidı mamandar.
Tolyǧyraq videoda:
https://youtu.be/3jLyP5pbNOY
"Adyrna" ūlttyq portaly
Ūqsas jaŋalyqtar
