Reseilık propogandist, «Russia Today» arnasynyŋ redaktory Margarita Simonian auyr dertke şaldyqty. Būl turaly ol jurnalist Vladimir Solovevke bergen sūqbatynda aitty, dep habarlaidy «Adyrna» tılşısı.
«Baqytsyzdyq kelse, qaqpaŋdy aiqara aş» degen söz bar. Bızdıŋ üidegı qaqpany qazırdıŋ özınde qiratyp tastady. Osy aptada qorqynyşty, auyr dertke şaldyqqanymdy bıldım. Myna orden tūrǧan jerden, iaǧni keudemnıŋ sol jaǧynan ota jasaidy», – dedı Simonian.
Ol densaulyǧyna qaramastan baǧdarlamaǧa qatysqanyn, osylaişa maidanda jürgenderdıŋ otbasyna qoldau körsetkısı kelgenın tüsındırdı.
8 qyrküiekte Simonian auruhanadan bailanysqa şyǧyp, ota qalai ötkenın aitty.
«Bırneşe saǧat būryn narkozdan şyqtym. Äzırge baiau jazyp jatyrmyn, keşırıŋızder. Uaiymdap, dūǧa etken jandarǧa raqmet. Barlyǧy da Jaratuşymyzdyŋ qolynda. Soǧan ǧana ümıt artamyn»,—dedı ol.
Jurnalist naqty qandai auruǧa duşar bolǧanyn aşyp aitpady. Alaida köptegen BAQ süt bezınıŋ qaterlı ısıgı degen boljam jasap otyr.
Aita keteiık, būǧan deiın Simonian küieuı Tigran Keosaiannyŋ es-tüssız küide klinikalyq ölım auzynda jatqanyn mälımdegen edı. 2022 jyly Keosaian özı jürgızetın telebaǧdarlamalardyŋ bırınde Qazaqstannyŋ atyna auyr sözder aityp, balaǧattaǧan edı. Sol jyldyŋ mausymynda Syrtqy ıster ministrlıgı Tigran Keosaiandy non grata jariialanǧandardyŋ tızımıne qosqan.
Margarita Simonian da Qazaqstanǧa qarata aitqan arandatu sözderımen tanymal boldy. Būǧan deiın ol Qazaqstannyŋ Donesk pen Luganskty täuelsız respublika dep moiyndamaitynyna bailanysty elımızdı «satqyn» dep atap, «jasalǧan jaqsylyq üşın rahmet aitudy bılmeidı» degen jazba jariialaǧan. Al 2024 jyly jurnalist Qazaqstanǧa «keibır būzaqylarmen» küresu üşın Resei äskerın jıberuge quanyşty bolatynyn jetkızgen.
