Qaŋtarda Gallup amerikalyq qoǧamdyq pıkırdı zertteu ūiymy 25 eldıŋ, sonyŋ ışınde Qazaqstan azamattarynyŋ Resei men Ukraina basşylyǧyna közqarasy turaly saualnama nätijesın jariialady.
Derekterge säikes, saualnamaǧa qatysqan qazaqstandyqtardyŋ 30 paiyzy Resei basşylyǧyn tolyq qoldaidy eken de tek 20 paiyzy ǧana Ukraina basşylyǧyn qoldaidy.
Būl teŋgerımsızdıktıŋ basty sebebı – Qazaqstandaǧy barlyq kabeldık jelılerde ondaǧan reseilık telekompaniia jūmys ısteidı, olar qazaqstandyqtardyŋ miyn täulık boiy juyp-şaiyp tastaǧan. Sondai jaǧdaida Qazaqstannyŋ kabeldık jelılerınde bırde-bır ukraindyq telearna körsetılmeidı.
Şyn mänınde, «Putindı qoldaityndardyŋ» 30 paiyzy – Reseidıŋ Qazaqstanǧa şabuyly bolǧan jaǧdaida reseilık tankterdı güldermen, nan-tūzben qarsy aluǧa şyǧatyn «daiaşylar». Menıŋ oiymşa, būl jaǧdai ūlttyq qauıpsızdıkke qatysty bolǧandyqtan, Qazaqstan basşylyǧyn qatty alaŋdatuy kerek.
Qazaqstandyqtardy – Putinnıŋ bodanyna, al Qazaqstandy ıs jüzınde Resei guberniiasyna ainaldyryp jatqan reseilık ügıt-nasihat aǧynyn dereu toqtatu kerek.
