Reseılik propagandısterge Armenııaǵa kelýge tyıym salyndy. Bul týraly TASS agenttigi jarııalady, dep habarlaıdy “Adyrna” ulttyq portaly.
Armenııa bıligi «Russia today» telaranasynyń bas redaktory, reseılik propagandıst Margarıta Sımonıanǵa elge kelýge tyıym saldy.
Sondaı-aq, Armenııanyń qazirgi bastyǵy Konstantın Zatýlınge de elge kelýge tyıym saldy. Ol kóp jyldan beri Armenııany qoldaǵan edi.
Armenııa bıligi Zatýlınge Ázerbaıjanmen bolǵan 44 kúndik soǵysta armıandardy synaǵany úshin elge kelýge tyıym salǵan. Al Sımonıanǵa ne sebepti tyıym salǵanyn ashyq aıtpaı otyr.
Aıta keteıik, Margarıta Sımonıan 1980 jyly Krasnodar qalasynda armıan otbasynda týǵan. Ol – Kremldiń aıtaqtaýymen sheteldiń ishki jáne syrtqy saıasatyna aralasyp, ultaralyq alaýyzdyq týdyrýdy ádetke aınaldyrǵan taǵy bir reseılik propagandıst, «NTV» telearnasynda «Mejdýnarodnaıa pılorama» baǵdarlamasynyń júrgizýshisi Tıgran Keosaıannyń zaıyby. Sımonıan – onyń ekinshi áıeli. Ekeýi 2012 jyly shańyraq quryp, Marıana men Margo jáne Bagrat esimdi qyz-uldaryn tárbıelep otyr. Keosaıannyń tanymal bolýyna osy Sımonıannyń da yqpaly bar deıdi biletin adamdar. Qazir ekeýi bir-biriniń aýyzdaryna túkirip qoıǵan erli-zaıyptylar sııaqty. Olar birazdan beri Reseıdiń televıdenıesi men YouTube-arnalarynda oıyndaǵysyn aıtyp, elde de shetelde de halyqtyń ashýyn shaqyryp júr.
