2015 жылы 2 қыркүйек күні Астана уақытымен сағат 10.37-де Байқоңыр ғарыш айлағынан «Союз ТМА-18М» зымыран-тасымалдағышы ұшырылды. Оның бортында Қазақстанның үшінші ғарышкері Айдын Айымбетов болды.
Сондай-ақ, халықаралық экипаж құрамында ресейлік ғарышкер, №1 бортинженері Сергей Волков, Дания Корольдігінің астронавты Андреас Могенсен болған.
Алғашында Айдын Айымбетов ашық кеңістікке қатысушы ретінде ұшады деп жоспарланған еді, алайда ұшатын уақыт таяғанда оның мәртебесі біліктілігіне сәйкес, "бортинженер-2" деп өзгертілді.
Экипаж Жерге 12 қыркүйекте 9 күн 20 сағат 13 минут 51 секундтан кейін оралды. Айдын Айымбетов ғарышқа ұшқан тұңғыш Қазақстан Республикасының азаматы атанды.
10 күнге жуық уақытқа созылған сапарда Айдын Айымбетов ғарыштағы 5-ші ұлттық ғылыми зерттеу бағдарламасын орындады.
Жалпы ғарыштық зерттеу бағдарламасы 10 ғылыми тапсырмадан құрылған, оның ішінде Арал және Каспий теңіздерінің экологиялық жағдайына мониторинг жүргізу және "Дастархан-6" деп аталған ұлттық тағам өнімдерінің ғарыштағы пайдалы қасиеттерін зерттеу болды.
Айдын Айымбетов – Қазақстан Әскери-әуе күштерінің генерал-майоры, Қазақстан Республикасының Халық Қаһарманы. Ғарышкер 1972 жылы 27 шілдеде қазіргі Жетісу ауданы, Өтенай ауылында дүниеге келген.
