Ukraina tarapynyŋ bastamasymen Qazaqstan Prezidentı Qasym-Jomart Toqaev pen Ukraina prezidentı Vladimir Zelenskii telefon arqyly söilestı, dep habarlaidy "Adyrna" ūlttyq portaly.
Äŋgıme barysynda Qasym-Jomart Toqaev qazaq halqynyŋ ukrain halqyna, onyŋ tarihyna, mädenietıne jäne tılıne erekşe qūrmetpen qaraitynyn aitty. Ol Qazaqstannyŋ Ukrainada halyqaralyq qūqyq qaǧidattary negızınde beibıtşılıktıŋ ornauyna müddelı ekenın jetkızdı.
Prezident Astananyŋ äuelden-aq ädıldıkke negızdelgen beibıtşılık formulasyn bırlesıp ızdeu ideiasyn qoldaǧanyn jäne būl tūrǧyda BŪŪ Jarǧysyn, memleketterdıŋ egemendıgı men aumaqtyq tūtastyǧyn saqtau qaǧidatyn ūstanyp kele jatqanyn eske saldy.
Memleket basşysynyŋ pıkırınşe, qazırgı kürdelı jaǧdaida Ukraina memlekettılıgın saqtau men qorǧaudy qamtamasyz ete otyryp, qaqtyǧysty baiyppen şeşu maŋyzdy. Ol taraptardy «Janjaldan, jaman bolsa da bıtım artyq» degen danalyqqa sai äreket etuge şaqyrdy.
Qasym-Jomart Toqaev territoriialyq mäselelerdıŋ halyqaralyq qatynastardaǧy eŋ kürdelı tüitkılderdıŋ bırı ekenın atap öttı. Mūndai tüitkılder köbıne beibıt kelısımder jolynda basty kedergıge ainalatynyn, bıraq qazırgı eŋ basty mındet – halyqaralyq kepıldıkter arqyly Ukraina qauıpsızdıgın qamtamasyz etıp, memlekettılıgın saqtau ekenın aitty.
Sondai-aq, Qazaqstan Prezidentı ekı eldıŋ özara müddelerıne sai türlı salada belsendı yntymaqtastyq ornatuǧa daiyn ekenın jetkızdı.
