Jelidegi aqparattarǵa zer salsaq, Qytaı termoıadrolyq reaktordyń taǵy da bir jańasha modelin oılap tapty. Bul qurylǵyda jasandy kúnniń ekstremaldi temperatýrany ustap turýy ózge qurylǵylarǵa qaraǵanda 5 ese joǵary kórsetkishti kórsetken.
«Sınhýa» memlekettik aqparat agenttigi eksperımentaldy jetildirilgen qurylǵyda plazmanyń temperatýrasy 120 mıllıon gradýs elsııge jetkenin habarlady. Qurylǵy osy temperatýrany 101 sekýnd ustap turdy.
Sondaı-aq, eksperıment barysynda mamandar qurylǵydaǵy temperatýrany 160 mıllıon gradýsqa deıin de arttyrǵan. Biraq osy joǵary temperatýrany qurylǵyda 20 sekýnd ustap tura aldy.
Ótken jyly qytaılyq mamandar EAST qurylǵysynyń ishindegi plazmany 100 mıllıon gradýsqa deıin qyzdyrdy. Qurylǵyda osy temperatýrany 20 sekýndtan artyq ustap tura almady. Al búgingi ýaqytta "qytaılyq jasandy kún" burynǵydan bes ese joǵary temperatýrany kórsetip, rekord jasap otyr.
Osyndaı eksperımentterdi AQSh, Eýropa, Reseı jáne Ońtústik Koreıa elderiniń mamandary júrgizedi. Sondaı-aq, Qytaı Franııadaǵy ITER Halyqaralyq termoıadrolyq eksperımenttik reaktorynyń megajobasyna qatysatyn 35 eldiń qatarynda. Ár túrli elderdegi eksperımentterdi tikeleı salystyrý qıyn, óıtkeni qurylǵylar ártúrli tásildermen jasalǵan ári ár túrli jaǵdaıda jumys jasaıdy.
Bekbolat QARJAN,
«Adyrna» ulttyq portaly
