Búgin, 24 naýryz keshki saǵat 18.00-den bastap elimizdiń úsh oblysynda respýblıkalyq mańyzy bar joldar jabyldy. Bul týraly “Qazavtojol” málimdedi, dep habarlaıdy “Adyrna” ulttyq portaly.
Aqparatqa súıensek, Aqtóbe, Qostanaı jáne Soltústik Qazaqstan oblystarynda úsh respýblıkalyq mańyzy bar jolda kólik qozǵalysy toqtatyldy.
Aqtóbe oblysy:
Qandyaǵash-Embi-Shalqar-Yrǵyz avtojolynyń 3-92 shaqyrymy aralyǵy (Qandyaǵash pen Embi qalasynyń arasy).
Qostanaı oblysy:
Qazaqstan men Reseı arasyndaǵy beıtarap aýmaqtaǵy Marınovka aýylyna jaqyn aımaq (RF shekarasy).
Soltústik Qazaqstan oblysy:
Petropavl qalasynyń aınalma jolynyń 4-7 shaqyrymy aralyǵy (Qojabergen jyraý aınalma jolynan Esil ózeni arqyly ótetin kópirge deıin).
