Qazaqstan Konstitusiiasy ärbır azamatqa tüsınıktı boluǧa, al jekelegen aumaqtarǧa arnaiy märtebe beru mümkındıgı – naqty Konstitusiialyq negızge ie boluǧa tiıs. Mūndai pıkırdı Konstitusiialyq komissiianyŋ bırınşı otyrysynda QR Ädılet ministrı Erlan Särsembaev aitty.
Ädılet ministrı Negızgı zaŋ tek zaŋ aktısı ǧana emes, sonymen bırge qoǧamdyq kelısım qūjaty bolyp tabylatynyn, sondyqtan onyŋ tılı normalardy tıkelei jäne bırjaqty qabyldaudy qamtamasyz etuı tiıs ekenın atap öttı.
Onyŋ aituynşa, kürdelı jäne asa qūrmalas tūjyrymdar azamattardyŋ qūqyqtary men mındetterın tüsınudı qiyndatady, sondai-aq Konstitusiianyŋ üstemdık prinsipın älsıretedı.
«Konstitusiianyŋ mätını mazmūnnyŋ qūqyqtyq däldıgı men tereŋdıgıne nūqsan keltırmesten qol jetımdı jäne tüsınıktı türde tūjyrymdaluy kerek. Konstitusiialyq erejeler tüsınıktı, qisyndy jäne stilistikalyq tūrǧydan dūrys boluy tiıs», – dep atap öttı Erlan Särsembaev.
Sonymen qatar, ministr Konstitusiiada jekelegen aumaqtar üşın arnaiy qūqyqtyq rejimderdı engızu mümkındıgın bekıtudı ūsyndy.
Ol Prezidenttıŋ jarlyǧymen Alatau qalasyna ozyŋqy damuşy qala märtebesı berılgenın, al bolaşaqta būl märtebenı jekelegen konstitusiialyq zaŋmen resımdeu boljanyp otyrǧanyn eske saldy. Onyŋ pıkırınşe, mūndai täsıl osy tetıktı institusionalizasiialauǧa, qūqyqtyq boljamdylyqty qamtamasyz etuge jäne qūqyqtyq keŋıstıktıŋ bırlıgın saqtauǧa mümkındık beredı.
«Aumaqtyŋ erekşe märtebesı özınıŋ qūqyqtyq tabiǧaty boiynşa qūqyqtyq retteudıŋ jalpy rejimınen erekşelık bolyp tabylady. Mūndai erekşelıkterge olardyŋ tıkelei konstitusiialyq negızı, naqty zaŋnamalyq resımdeluı jäne qūqyqtyq memleket qaǧidattaryn qataŋ saqtau şartymen ǧana jol berıledı», – dep atap öttı ministr.
Soŋynda ol arnaiy rejimderdı konstitusiialyq bekıtu investisiialar tartu jäne infraqūrylymdy damytu üşın tūraqty jäne aşyq qūqyqtyq baza qūratynyn aitty. Būl rette kez kelgen şeşımder maqsattary men merzımderı boiynşa şekteluge, azamattar üşın äleumettık jäne qūqyqtyq kepıldıkter deŋgeiın tömendetpeuge tiıs.
