Qazaqstan táýelsizdigin nyǵaıtýǵa jáne basqa da erekshe jetistikteri úshin kórnekti tulǵalarǵa arnalǵan eskertkishterdi endi tiri kezinde qoıýǵa bolady, dep habarlaıdy “Adyrna” ulttyq portaly QazTAG agenttigine siltep.
2020 jylǵy 28 sáýirde Qazaqstan Respýblıkasy Mádenıet jáne sport mınıstriniń № 103 buıryǵyna «Monýmentaldy óner qurylymdaryn ornatý erejelerin bekitý týraly» ózgerister engizildi. Endi kórnekti tulǵaǵa eskertkish ornatý úshin onyń qaıtys bolǵanyna keminde bes jyl ótý kerek. Tek qana batyrlyq pen erlikti kórsetý, memlekettiń táýelsizdigin nyǵaıtýǵa aıtarlyqtaı úles qosý jáne mańyzdy tarıhı oqıǵalardy júzege asyrý jaǵdaılarynda bul merzimge shekteý qoıylmaıdy.
Oblys ákimdikteri eskertkishterdi memlekettik jáne bıýdjettik emes qarjy kózderi esebinen ornatatyn bolady. Eskertkishter kórnekti tulǵalardyń mereıtoılaryna, mańyzdy tarıhı oqıǵalarǵa oraı ornatylyp, Úkimettiń qaýlysymen belgilengen. Bul tulǵanyń esimi respýblıkalyq onomastıkalyq komıssııa bekitken tarıhı tulǵalar tiziminde bolýy kerek.
Sonymen qatar, bir eldi mekende bir kórnekti tulǵaǵa nemese tarıhı oqıǵaǵa tek bir eskertkish ornatylýy múmkin.
