Ūlttyq qauıpsızdık komitetınıŋ būrynǧy töraǧasy Kärım Mäsımov şyǧarylǧan ükımge qatysty apelliasiialyq şaǧym tüsırdı. Būl turaly qalalyq sottyŋ baspasöz qyzmetı mälımdedı, dep habarlaidy “Adyrna” ūlttyq portaly.
24 säuırde Astana qalasynyŋ qylmystyq ıster jönındegı mamandandyrylǧan audanaralyq soty Ūlttyq qauıpsızdık komitetınıŋ būrynǧy töraǧasy Kärım Mäsımovke jäne onyŋ orynbasarlary A.Sadyqūlovqa, D.Erǧojinge, M.Osipovke qatysty qylmystyq ıs boiynşa ükımın jariia ettı.
Kärım Mäsımov 18 jylǧa sottalǧan edı.
"Apelliasiialyq şaǧym tüsırıldı, bıraq ıs apelliasiialyq sotqa älı kelıp tüsken joq. Atap aitqanda, ıs "asa qūpiia" märtebesımen qaralǧandyqtan, basqa mälımetter jariia etuge jatpaidy", - delıngen qalalyq sot baspasöz qyzmetınıŋ mälımetınde.
Eske salsaq, ŪQK-nıŋ eks-basşysy Kärım Mäsımovke qaŋtar oqiǧasy boiynşa aiyp taǧylǧan bolatyn. Bas prokuror Berık Asylov atap ötkendei, tärtıpsızdıkter kezınde Mäsımovtıŋ tapsyrmasy boiynşa ŪQK departamentterınıŋ jeke qūramy jūmys oryndaryn tastap ketken.
