Nūr-Sūltanda mas küiınde kölık jürgızgenı üşın alǧaşqy adamǧa qataŋdatylǧan jaza kesıldı, dep habarlaidy 24.kz.
Mas küiınde kölık jürgızgen elordalyq bas bostandyǧynan aiyryldy. Işımdık ışıp kölık tızgındegen azamat osydan bır ai būryn ūstalǧan. Kölıgın toqtatqan poliseilerge qarsylyq körsetıp, qaşpaq bolǧan körınedı. Mūnymen qosa būǧan deiın de osylai mas küide kölık jürgızıp, kuälıgınen aiyrylǧan. Osyndai qūqyqbūzuşylyqtaryn eskere otyryp, Esıl audandyq soty ol azamatty 1 jylǧa sottady. Sonymen qatar temır tūlpar tızgındeu qūqyǧynan ömır boiyna aiyrdy. Esterıŋızge salaiyq, juyrda Prezidenttıŋ pärmenımen qoldanystaǧy zaŋǧa özgerıster enıp, jaza küşeigen. Būl sodan berı Nūr-Sūltan qalasynda taǧaiyndalǧan alǧaşqy sot ükımı.Bügın Esıl audandyq soty mas küide kölık tızgının ūstaǧan jürgızuşısı bas bostandyǧynan aiyru jazasyn taǧaiyndady. Būl qala boiynşa qataŋdatylǧan zaŋ boiynşa taǧaiyndalǧan alǧaşqy ükım. Elorda tūrǧyny būǧan deiın bırneşe ret äkımşılık jauapkerşılıkke tartylǧan. Soŋǧy ret 2017 jyly mas küiınde kölık basqarǧany üşın kuälıgınen 6 jyl merzımge aiyrylǧan. Bügın sottyŋ ükımımen elorda tūrǧyny sottalyp, kölık jürgızu qūqyǧyn ömır boiyna aiyra otyryp, bır jylǧa bas bostandyǧynan aiyru jazasyn taǧaiyndady, - dep mälımdedı qalalyq sottyŋ baspasöz hatşysy Botagöz Baianova.Degenmen, baspasöz hatşysynyŋ habarlauynşa, sot ükımı äzırge zaŋdy küşıne engen joq.
Ūqsas jaŋalyqtar
