Qostanai oblysynda zaŋsyz taksi qyzmetımen ainalysqan azamat äkımşılık jauapkerşılıkke tartyldy, dep habarlaidy «Adyrna» tılşısı.
Jıtıqara audandyq sotynyŋ mälımetınşe, 2025 jylǧy 16 şıldede polisiia bölımınıŋ taqyryptyq tekseru jürgızu barysynda Prigorodnoe auylynda U. esımdı er adam basqarǧan «TOYOTA» markaly avtokölık toqtatylǧan. Ol Jıtıqara – Qostanai baǧyty boiynşa jolauşylardy tasymaldaumen ainalysqan. Avtokölıkte 4 jolauşy bolǧan, olardyŋ bırı Jıtıqara – Qostanai baǧytymen kele jatqanyn rastaǧan jäne jolaqy üşın 5000 teŋge tölep, tölem tübırtegın körsetken.
Er adamnyŋ jeke käsıpker retınde tırkelmegenı jäne qyzmetın bastaǧany turaly habarlama bermegenı, soǧan qaramastan aqyly negızde jeke tūlǧalardy tasymaldau qyzmetın jüzege asyrǧanyn atap ötıldı.
Sot QR ÄQBtK-nıŋ 463-babynyŋ 1-bölıgıne säikes azamatqa 15 AEK mölşerınde aiyppūl saldy. QR ÄQBtK-nıŋ 829-11-babynyŋ 2-bölıgın qoldana otyryp, aiyppūl 30 paiyzǧa qysqartylyp, 41 286 teŋge kölemınde belgılendı.
Qosymşa jaza jäne kölıktı tärkıleu şarasy qoldanylǧan joq. Qauly zaŋdy küşıne endı.
