Pavlodar oblysynda medbikege tiısıp, denesıne qol jügırtken deputatqa sot şeşımı şyqty, dep habarlaidy “Adyrna” ūlttyq portaly.
Jas qyzdy qorlaǧan aiyptaluşy 5 ailyq eseptık körsetkış kölemındegı aiyppūlmen qūtylǧan.
Derekterge süiensek, deputat atalmyş öŋırde bılıktı därıgerdıŋ bırı körınedı. Oqiǧa Tölegen Qadyrdyŋ ärıptesıne sistema salyp beruın ötınuınen bastalǧan. Jas medbike öz jūmysyna kırıskende er adam onyŋ böksesınen, belınen ūstap tiısken. Şoşyp qalǧan boijetken palatadan qaşyp şyǧyp, keiın diktofonyn qosa qaita kıredı. Osylaişa nelıkten mūndai äreketke barǧanyn sūraǧan.
Boijetkennıŋ sottaǧy basty dälelı qaita kırıp, er adamnyŋ sözderın jazyp alǧan audiojazbasy boldy. Bıraq sot deputatqa qyzdy qorlaǧany üşın tek 5 ailyq eseptık körsetkış mölşerınde aiyppūl salyp otyr. Būl şamamen 15 myŋ teŋgenı qūraidy.
Jergılıktı mäslihat deputaty būl ısıne ökınıp,keiınnen boijetkennen keşırım de sūraǧan. Alaida boijetken sot şeşımıne şaǧymdanyp, appeliasiiaǧa berıptı. Al sot alqasy şaǧymdy qanaǧattandyrmai, şeşımdı özgerıssız qaldyrdy.
Ūqsas jaŋalyqtar
