IIM Äkımşılık polisiia komitetı töraǧasynyŋ orynbasary Aleksei Miliuk Telegram negızın qalauşy Pavel Durovtyŋ Kölsai kölınde şomylǧany üşın aiyppūl salyna ma degen sūraqqa jauap berdı, dep habarlaidy "Adyrna" ūlttyq portaly Ulysmedia-ǧa sılteme jasap.
Miliuktıŋ aituynşa, Durovqa qatysty jaǧdai men qyzǧaldaq tergen äielge qatysty ıs – ekı türlı qūqyqbūzuşylyq.
"Būl ekı bölek qūram. Qyzǧaldaqqa qatysty ıs – tabiǧatty qorǧauǧa bailanysty qylmystyq jauapkerşılık, al tyiym salynǧan aimaqta şomylu – erekşe qorǧalatyn tabiǧi aumaqqa kıru faktısı. Mūndai jaǧdailar üşın jauapkerşılık Ekologiia ministrlıgınıŋ qūzyretıne jatady. Bız aiyppūl räsımdegen joqpyz, tek materialdardy jinap, ministrlıkke joldadyq. Bılıktılıkke qarai – eskertu beruden bastap, 10 AEK-ke deiın aiyppūl salynuy mümkın", – dedı ol.
Pavel Durov Astanaǧa Digital Bridge 2025 halyqaralyq forumyna qatysu üşın kelgen bolatyn. Forum kezınde ol Qazaqstannan qalyŋdyq ızdeu turaly qaljyŋ aityp, qoǧam tarapynan synǧa ūşyrady.
Būdan keiın ol Almaty oblysyndaǧy Qolsai kölınde tyiym salynǧanyna qaramastan şomylǧan. Ūlttyq park äkımşılıgı būl oqiǧa boiynşa qyzmettık tekserıs bastaǧanyn habarlady.
