Almatyda jūma künı Sian Sinhaidyŋ eskertkışı men oǧan ırgeles alaŋnyŋ qaita qalpyna keltırılgennen keiıngı saltanatty aşylu räsımı öttı, dep habarlaidy "Adyrna" ūlttyq portaly.
Qazaqstan Syrtqy ıster ministrlıgınıŋ Almaty qalasyndaǧy ökıldıgınıŋ basşysy Janıbek Äbdraşov qūttyqtau sözınde Sian Sinhai men qazaq kompozitory Baqytjan Baiqadamov arasyndaǧy berık dostyqty atap öttı.
«Bügın aşylyp otyrǧan būl eskertkış – tek ūly kompozitorǧa qoiylǧan eskertkış emes. Būl – dostyqtyŋ, özara tüsınıstıktıŋ jäne mädeni bırlıktıŋ nyşany. Būl – qiyn-qystau kezeŋde muzykanyŋ jürekterdı bırıktırıp, şekaralardan asyp, adamzattyŋ ünıne ainala alatynyn eske salatyn belgı», – dedı J. Äbdraşov.
Almaty qalasy mädeniet basqarmasy basşysynyŋ orynbasary Arman Halbekov öz sözınde būl şara Qazaqstan men Qytaidyŋ mädeni ömırı üşın asa maŋyzdy ekenın atap öttı.
«Qazaqstan men Qytai arasyndaǧy dostyq qarym-qatynas tereŋ tarihi tamyrǧa ie... Būl tarihi bailanystar bügınde qaita jaŋǧyryp jatyr. Būl dostyq tek ekonomika men serıktestıkte ǧana emes, mädeni bailanystarda da damyp keledı», – dedı ol.
Qazaqstan Memlekettık öner muzeiınıŋ direktory Gülaiym Jūmabekova būl eskertkış tek müsındık nysan ǧana emes, ekı halyq arasyndaǧy tarihi jadynyŋ, rizaşylyqtyŋ jäne mädeni bailanystyŋ simvoly ekenın aitty:
«Bügın bız tek jaŋartylǧan eskertkıştı aşyp tūrǧan joqpyz – bız Qazaqstan men Qytai arasyndaǧy mädeni bailanystyŋ maŋyzdylyǧyn taǧy da aiqyndap otyrmyz», – dedı G. Jūmabekova.
Qytaidyŋ Almatydaǧy Bas konsuly Szian Vei saltanatty sözınde ekı el arasyndaǧy dostyq bailanystardy saqtau men nyǧaituǧa şaqyrdy.
«Sian Sinhai men Baiqadamovtyŋ muzykasyna negızdelgen Qytai men Qazaqstan arasyndaǧy dostyqty bırge saqtap, nyǧaitaiyq. Ekı el halqy arasyndaǧy özara tüsınıstık pen jaqyndyqty arttyra otyryp, Qytai men Qazaqstannyŋ ortaq taǧdyry bar qauymdastyǧyn bırge qūraiyq», – dedı ol.
Eskertkıştıŋ aşyluynan keiın 2019 jyly jaryq körgen «Kompozitor» filmı körsetıldı. Būl – Qytai men Qazaqstan bırlesıp tüsırgen alǧaşqy kinotuyndy, ol 18-şı «Huabiao» kino jüldesı men basqa da marapattarǧa ie bolǧan.
