«Qazaqtelekom» AQ-ǧa qatysty tergeu bastaldy. Būl turaly Bäsekelestıktı qorǧau jäne damytu agenttıgınıŋ baspasöz qyzmetı mälımdedı, dep habarlaidy “Adyrna”.
«Taldau barysynda bailanys operatorlarynyŋ stasionarly internet qyzmetterıne arnalǧan baǧalardyŋ dinamikasy da zertteldı. «Qazaqtelekom» AQ-nyŋ äreketterınde monopoliiaǧa qarsy joǧary baǧany belgıleu belgılerı anyqtaldy. Mysaly, bailanys operatory 2024 jyly internet tarifterı boiynşa, onyŋ ışınde 100 Mbit/sek., 200 Mbit/sek. jäne 500 Mbit/sek. jyldamdyqtar üşın 20%-ǧa deiın baǧanyŋ ösuın tırkegen. Osyǧan bailanysty qazırgı uaqytta operatorǧa qatysty bäsekelestıktı qorǧau zaŋnamasynyŋ būzyluyna qatysty tergeu jürgızılude», — delıngen jūma künı taratylǧan habarlamada.
Agenttık atap ötkendei, jürgızılıp jatqan jūmystar aiasynda bailanys qyzmetterı naryǧynda bırqatar kedergıler anyqtaldy, olardy joiu ädıl bäsekelestıktı damytuǧa yqpal etuı mümkın.
«Stasionarly (fiksirovannogo) internet qyzmetterın körsetu naryǧyndaǧy bäsekelestık jaǧdaiyn josparly taldau barysynda köpqabatty tūrǧyn üilerde tūrǧyndar üşın internet qyzmetterın ūsynatyn üşınşı tarap bailanys operatorlarynyŋ kıruıne kedergı keltıretın tosqauyl anyqtaldy. Sebebı, bailanys qyzmetterınıŋ sapaly boluy azamattardyŋ negızgı qajettılıkterınıŋ bırı, al köpqabatty tūrǧyn üilerde bailanys jelılerın ornalastyru bäsekelestık jaǧdaida erekşe maŋyzǧa ie. Alaida, qazırgı uaqytta qoldanystaǧy zaŋnamalyq şekteuler üşınşı tarap bailanys operatorlarynyŋ qyzmetın köpqabatty üilerde jüzege asyruǧa ärdaiym mümkındık bermedı», — delıngen habarlamada.
Sonymen qatar, kabeldık kanalizasiia jelılerıne qosylu üşın tehnikalyq şarttardy operatorlardan alu prosesın qiyndatatyn taǧy bır tosqauyl anyqtaldy.
«Tabiǧi monopoliia subektısı kabeldık kanalizasiia jelılerıne qosyluǧa rūqsat alu turaly sūrau alǧan kezde tehnikalyq şarttardy aqyly negızde beredı. Sonymen qatar, tabiǧi monopoliialar turaly zaŋnamada aqy alu közdelmegen. Bäsekelestıktı qorǧau jäne damytu agenttıgınıŋ ūsynystary negızınde normativtık aktılerden radiojiılıktık spektrdı bölu boiynşa sauda-sattyqqa qatysu üşın qatysuşynyŋ telekommunikasiialyq jäne (nemese) ūialy bailanys magistraldyq jelısı boluy qajet degen talaptar alynyp tastaldy», — dep habarlady.
«Bailanys turaly» qoldanystaǧy zaŋǧa virtualdy operatorlardyŋ qyzmetın qūqyqtyq retteu men ūialy operatorlardyŋ quattaryn jalǧa alu mümkındıgın qamtamasyz etetın özgerıster engızıldı, būl naryqtaǧy bäsekelestıktı damytu äleuetın arttyrady.
«Būdan basqa, Bäsekelestıktı qorǧau jäne damytu agenttıgı ūialy bailanys qyzmetterınıŋ baǧasy dinamikasyn taldap, monopoliiaǧa qarsy joǧary baǧa belgıleu belgılerın anyqtady. Qazırgı uaqytta ūialy bailanys operatorynyŋ zaŋnamany būzu turaly tergeu taǧaiyndau mäselesı qarastyryluda», — dep habarlady agenttık.
