Jambyl oblysynda alǧaş ret«Merkı memlekettık öŋırlık tabiǧi parkı» aşyldy, dep habarlaidy “Adyrna” ūlttyq portaly Qazaqparatqa sıltep.
Äkımdıktıŋ mälımetınşe, būl park — erekşe qorǧalatyn tabiǧi aumaq märtebesıne ie.
Atalmyş joba Bırıkken Ūlttar Ūiymynyŋ Damu baǧdarlamasynyŋ qoldauymen jüzege asyrylǧan.
Jaŋa tabiǧi parktıŋ aumaǧy 86 632 gektardy qūraidy. Ol tauly jäne tau bökterındegı aumaqtardy qamtyp, ösımdıkter men januarlardyŋ sirek kezdesetın türlerın qorǧauǧa baǧyttalǧan.
Erekşe aimaqta Qazaqstannyŋ Qyzyl kıtabyna engen qar barysy, arqar, ündı jairasy, qyzyl qasqyr jäne Türkıstan sıleusını mekendeidı. Soŋǧy sanaq boiynşa park aumaǧynda 8 qar barysy, 120 arqar, 20 ündı jairasy jäne 22 sıleusın tırkelgen.
Jaŋa park tabiǧatty qorǧaumen qatar, ǧylymi-zertteu jūmystaryn jürgızuge, ekologiialyq aǧartuşylyqty küşeituge jäne ekoturizmdı damytuǧa mümkındık bermek. Turister üşın tauǧa şyǧu, jaiau jäne atpen seruendeu, qūstardy baqylau siiaqty baǧyttar qarastyrylǧan.
Tabiǧi resurstar jäne tabiǧat paidalanudy retteu basqarmasynyŋ habarlauynşa, aldaǧy uaqytta park aumaǧynda turistık soqpaqtar, tanymdyq baǧyttar men demalys aimaqtary kezeŋ-kezeŋımen jasaqtalyp, tabiǧatty qorǧau talaptary qataŋ saqtalatyn bolady.
Aita keteiık, ötken jyly Qazaqstandaǧy ūlttyq parkterge 2,8 millionnan astam adam barǧan. Būl körsetkış 2023 jylmen salystyrǧanda 18%-ǧa joǧary.
