Jambyl oblysynyŋ būrynǧy äkımı Kärım Kökırekbaevqa qatysty sot prosesı segız aiǧa sozylyp, älı künge deiın ükım şyqpaǧan. Antikorrupsiialyq qyzmet būl jaǧdaidyŋ sebebın tüsındırdı, dep habarlaidy "Adyrna" ūlttyq portaly.
Antikor töraǧasynyŋ orynbasary Darhan Qūraqbaevtyŋ aituynşa, ıs sot qarauynda, bıraq tergeu müddesıne bailanysty tolyq aqparat beru mümkın emes.
"Is sotqa jıberıldı, qazır qaralyp jatyr. Alaida tergeu müddesıne bailanysty egjei-tegjeilı mälımetterdı jariialai almaimyz. Äzırge naqty şeşım joq, qandai da bır pıkır bıldıruge qūqyǧymyz joq," – dedı Qūraqbaev.
Qazırgı taŋda Kökırekbaev qamauda otyr.
2022 jyldyŋ jeltoqsan aiynyŋ soŋynda "QR TJM Qazseldenqorǧau" memlekettık mekemesınıŋ direktory Kärım Kökırekbaev para alu küdıgımen ūstalǧan bolatyn. Tergeu mälımetterı boiynşa, ol BAZIS CONSTRUCTION - INFR kompaniiasynyŋ filial direktory Andrei Poplavskiiden 800 myŋ dollar kölemınde para aldy dep aiyptalǧan.
Bastapqyda Jambyl oblysynyŋ alqabiler soty eks-äkımdı aqtap şyqqan. Alaida, ekı aptadan keiın būl ükım küşın joiyp, Kökırekbaev qaitadan qamauǧa alynǧan.
Qazırgı taŋda sot prosesı jalǧasuda, al onyŋ nätijesı älı belgısız.
Ūqsas jaŋalyqtar
