Jambyl oblysynda iri jol apaty bolyp, kólikten shyǵa almaı qalǵan bir jolaýshy tirideı janyp ketti. Órt sóndirýshiler men jedel járdem jetkenshe kólik kúlge aınalǵan dep habarlaıdy, “Adyrna” ulttyq portaly Astanatv-ǵa silteme jasap.
Jantúrshigerlik jaǵdaı Shý qalasynda bolǵan. Bir mezette 6 kólik soqtyǵysqan kórinedi. Kýágerlerdiń aıtýynsha, «Mersedes-ben» avtokóligi qatty jyldamdyqpen júıtkip kep, burylǵaly turǵan Folksfagen Golfqa soqqan. Onymen qosa, sol jerde turǵan taǵy birneshe kólik búlindi. Kólik ıeleri men birneshe jolaýshy túrli jaraqatpen aýrýhanaǵa jetkizilgen. Al jolaýshylardyń biri-21 jastaǵy qyz kólik ishinen shyǵa almaı qalyp, órtenip ketti.
«Atalǵan derekke qatysty QR QK 345-babynyń 3-bóligi boıynsha sotqa deıingi tergeý amaldary bastaldy. Birqatar tıisti saraptama reti taǵaıyndaldy. Qazirgi ýaqytta Mersedes-Ben markaly avtokóliginiń júrgizýshisi ýaqytsha ustaý ızolıatoryna qamaqqa alyndy», – dedi Jambyl oblystyq PD bastyǵynyń orynbasary Jasulan Tankeev.
”Adyrna” ulttyq portaly
