Ūlytau oblysynda demeuşılık qoldau esebınen äleumettık jäne infraqūrylymdyq jobalar tūraqty türde ıske asyrylyp keledı. Būl jönınde oblys äkımı Dastan Ryspekov būqaralyq aqparat qūraldaryna ötkızgen baspasöz mäslihatynda aitty.
Äkım öŋırdıŋ damu baǧyttaryn, äleumettık-ekonomikalyq ösımnıŋ negızgı basymdyqtaryn, investisiialyq jobalardy jäne tūrǧyndardyŋ ömır sapasyn jaqsartuǧa arnalǧan bastamalardy tanystyrdy.
Äkımnıŋ aituynşa, jyl ışınde oblysta jalpy qūny 60 milliard teŋgeden asatyn maŋyzdy äleumettık jäne infraqūrylymdyq jobalar jüzege asyrylyp jatyr. Būl jūmystarǧa jer qoinauyn paidalanuşy kompaniialardyŋ, jeke qorlardyŋ jäne «Qazaqstan halqyna» qorynyŋ demeuşılık qarajaty jūmsalmaq.
Atap aitqanda, öŋırde zamanaui Kongress-ortalyq, Oquşylar saraiy, 1500 oryndyq mūz aidyny men jüzu basseinı, balalar-jasöspırımder sport akademiiasy, sport-sauyqtyru keşenderı, meşıt, emhana, balabaqşa jäne basqa da nysandar boi köteredı. Barlyǧy 33 joba jüzege asyryluda.
Mysaly, Kongress-ortalyq türlı deŋgeidegı ıs-şaralardy – konferensiialar, forumdar, körmeler, konsertter jäne resmi qabyldaular ötkızuge arnalǧan köpsalaly ǧimarat bolmaq. Sondai-aq ǧimaratty tiımdı paidalanu üşın mädeniet salasyndaǧy oblystyq mekemelerdı osy nysanǧa ornalastyru mümkındıgı qarastyrylyp otyr.
Sonymen qatar, demeuşıler esebınen därıgerler men mūǧalımderdı äleumettık qoldau şaralary jüzege asyp, sport salasyn damytuǧa da köŋıl bölınbek.
Jaŋa josparlar men bastamalar
Oblysta būǧan qosa qūny 33,7 milliard teŋgenı qūraityn taǧy 14 nysannyŋ tızımı bekıtılgen. Onyŋ ışınde hokkei korty, Jaŋaarqa kentındegı Mädeniet saraiy, Keŋgır jäne Talap auyldaryndaǧy sport-sauyqtyru keşenderı, sondai-aq Sätbaev qalasyndaǧy sport keşenınıŋ hokkei kortyn kürdelı jöndeu jūmystary bar.
Būdan bölek, Qūmköl ken orny aumaǧynda jer paidalanuşy kompaniia Jezqazǧan qalasynda memlekettık rämızder alleiasyn salyp, Tu tūǧyryn ornatu josparlanuda.
Äkımnıŋ aituynşa, būl jūmystar öŋır tūrǧyndarynyŋ jaily ömır süruıne jaǧdai jasau maqsatynda jüielı türde jalǧasady.
