Jezqazǧan qalasyndaǧy «Jıger» sport keşenınde aldaǧy referendumdy qoldauǧa arnalǧan «Ädılettı ärı progressivtı Qazaqstannyŋ halyqtyq Konstitusiiasy üşın!» atty forum öttı. Is-şaraǧa myŋǧa juyq qatysuşy jinaldy, dep habarlaidy Ūlytau oblysynyŋ äkımdıgı.
Forum barysynda qatysuşylarǧa konstitusiialyq özgerısterdıŋ maŋyzy, olardyŋ eldıŋ odan ärı damuyna jäne ädılettı, progressivtı qoǧam qalyptastyrudaǧy rölı tüsındırıldı. Sondai-aq referendumnyŋ Qazaqstannyŋ bolaşaǧy üşın maŋyzdylyǧyna erekşe nazar audaryldy.
Forumǧa myŋǧa juyq jas qatysty. Olardyŋ qatarynda studentter, jūmysşy mamandyq ielerı, ūlttyq kompaniialardyŋ qyzmetkerlerı, medisina salasynyŋ ökılderı, şyǧarmaşyl jastar jäne özge de belsendı azamattar bar.
Jiynda Jezqazǧan qalalyq Jastar resurstyq ortalyǧynyŋ direktory Säken Qairatov, «Amanat» partiiasynyŋ «Jastar Ruhy» jastar qanaty oblystyq filialynyŋ töraiymy Nūrgül Talǧatbekova, sondai-aq «Ūlar-Ūlytau» qoǧamdyq bırlestıgınıŋ töraǧasy Abai Oraz söz söiledı. Spikerler jastardyŋ eldıŋ qoǧamdyq-saiasi ömırıne belsendı qatysuynyŋ maŋyzdylyǧyn atap ötıp, memleket bolaşaǧyna qatysty mäselelerde belsendı boluǧa şaqyrdy.
Forum konserttık baǧdarlamamen jalǧasty. Şara barysynda jas oryndauşylar patriottyq änder oryndady.
Is-şara aşyq dialog pen pıkır almasuǧa arnalǧan alaŋǧa ainalyp, öŋırdıŋ belsendı jastaryn aldaǧy referendumdy qoldau jäne Qazaqstannyŋ odan ärı damuy ideiasy töŋıregınde bırıktırdı.
