Ūlytau oblysynyŋ äkımı Eset Baiken jūmys saparymen Jaŋaarqa audanyna baryp, öŋırdıŋ infraqūrylymdyq jäne öndırıstık äleuetın arttyruǧa baǧyttalǧan bırqatar jobalardyŋ jüzege asyrylu barysymen tanysty.
Öŋır basşysy aldymen Jaŋaarqa kentındegı elektr qosalqy stansiiasynyŋ qūrylysyn aralap, atqarylyp jatqan jūmystardyŋ sapasy men qarqynyn baqylap, jauapty tūlǧalarǧa nysandy belgılengen merzımde paidalanuǧa beru jönınde naqty tapsyrmalar jüktedı.
Sondai-aq oblys äkımı avtomattandyrylǧan gaz taratu stansiiasynyŋ qūrylysymen tanysty. Būl joba audan tūrǧyndaryn tabiǧi gazben tūraqty qamtamasyz etuge jäne öŋırdıŋ injenerlık infraqūrylymyn nyǧaituǧa mümkındık beredı.
Jūmys sapary barysynda oblys äkımı Eset Baiken Tūraqty tūqymbaqtyŋ jūmysyn körıp, kögaldandyru men abattandyru baǧytyndaǧy josparlardy talqylady. Sonymen qatar 48 päterlı köpqabatty tūrǧyn üilerdıŋ qūrylysyn baqylap, merdıger ūiymdarǧa qūrylystyŋ sapasy men merzımıne erekşe jauapkerşılıkpen qaraudy tapsyrdy.
Öŋır basşysy sapar aiasynda «ORYNBAI MEAT» auyl şaruaşylyǧy öndırıstık kooperativınıŋ qyzmetımen de tanysty. Käsıporynnyŋ öndırıstık äleuetı, auyl şaruaşylyǧy önımderın öŋdeu baǧytyndaǧy jūmystary men aldaǧy damu josparlary qarastyryldy.
Sapar qorytyndysy boiynşa oblys äkımı barlyq jobanyŋ uaqytyly ärı sapaly aiaqtaluy öŋırdıŋ äleumettık-ekonomikalyq damuyna serpın beretının atap ötıp, jauapty mekemelerge är nysan boiynşa jūmysty küşeitıp, belgılengen kesteden keşıkpeudı tapsyrdy.
