Ulttyq ekonomıka mınıstri Álibek Qýantyrov 30 qańtardaǵy úkimet otyrysynyń qorytyndysy boıynsha ótken baspasóz máslıhatynda 2024 jyly kommýnaldyq qyzmet tarıfteriniń shamamen qanshaǵa ósetinin aıtty, dep habarlaıdy “Adyrna” ulttyq portaly.
Onyń aıtýynsha, tarıftik baǵdarlama jeti jylǵa eseptelgendikten, jyl saıyn tarıfterdi túzetý kútiledi.
«Tarıfterdi túzetý ár jyly kútiledi, óıtkeni tarıftik baǵdarlama jeti jylǵa sozylady. Ortasha alǵanda, keıbir sýbektiler men TKSh túrleri boıynsha tarıfterdiń ósýi 10-15 paıyz bolady. Bul ortasha eseppen 20-30 paıyzdy quraıdy. Sý – mańyzdy resýrs. Biz ony únemdeýge tyrysýymyz kerek. Tek ınflıaııany ustap turý kerek», - dedi Qýantyrov.
Bul ózgeris kommýnaldyq qyzmetterdiń barlyq túrlerine arnalǵan, óıtkeni mınıstrdiń aıtýynsha, ınfraqurylymnyń tozýy qyzmettiń kez kelgen túrinde bar. Tarıfterdi kóterý esebinen túsken aqsha ınfraqurylymdy jańartýǵa baǵyttalady.
"Kommýnaldyq qyzmetterdiń barlyq túrleri boıynsha ınfraqurylymnyń tozýy bar. Tozǵan qubyrlar, jeliler, sý qubyrlary. Káriz júıesi ásirese qatty tozǵan, al shottar az. Eki bólmeli páterge ortasha eseppen káriz shoty - 200 teńge. Kóterý kerek", - dep túsindirdi Qýantyrov.
Sonymen qatar mınıstr sý baǵasyn kóterý sebepterin de túsindirip ótti.
«Bul sýbektiniń qýatyna baılanysty. Sondaı-aq sýdyń tarıfi de óte tómen. Byltyr men Batys Qazaqstan oblysynda boldym. Onda sýdyń bir tekshe metri – 44 teńge. Árıne, osydan keıin sý tıimsiz paıdalanylady. Mysaly, siz monshaǵa barsańyz, onda sýdyń tekke aǵyp jatqanyn kóresiz. Ony óshirý kerek. Ókinishke qaraı, únemdeý joq. Óte mańyzdy resýrs bolǵandyqtan, sýdy únemdeýimiz kerek. Tarıf ósedi. Búginde sýǵa 200-500 teńge tóleımiz. Sondyqtan munda (sý tarıfin) aıtarlyqtaı kóterýge bolady. Olaı istemesek, únemdeý bolmaıdy. Bıyl tarıf (baǵasy) ósedi», – dep sózin tolyqtyrdy mınıstr.
Sondaı-aq, merdigerler men qurylys uıymdary bárin jańartyp úlgerýi úshin tarıfterdi birtindep kóterý jumystary júrgizilýde.
“Adyrna” ulttyq portaly
